جۇڭگو ئۇيغۇرچە رادىيو تورى 21-يانۋار بېيجىڭ خەۋىرى:

ئىستانسىمىز ئىنسانىيەت تەقدىرى ئورتاق گەۋدىسى بەرپا قىلىپ، ئىنسانىيەت جەمئىيىتىنى«دۇنياۋى سۇئاللار»نى يېشىشكە يېتەكلەيلى» ماۋزۇلۇق ئوبزور ئېلان قىلدى.

ئوبزوردا مۇنداق دەپ كۆرسىتىلدى: ئىنسانىيەت تارىخى ئەگرى-توقايلىققا تولغان، بۈگۈنكى كۈندە ئىنسانلار يەنە بىر «تۆت كوچا ئېغىزى» غا كەلدى. دۆلەت رەئىسى شى جىنپىڭ 2017-يىل1-ئاينىڭ 18-كۈنى بىرلەشكەن دۆلەتلەر تەشكىلاتىنىڭ جەنۋەدىكى باش ئورگىنىدا سۆزلىگەن باش مەقسەتلىك نۇتۇقىدا دەۋر ئومۇمىي ۋەزىيىتى ۋە تارىخىي پەلسەپە يۈكسەكلىكىدە تۇرۇپ، ئىنسانىيەت تەقدىرى ئورتاق گەۋدىسى بەرپا قىلىش مۇھىم ئىدىيەسىنى سىستېمىلىق شەرھلەپ، تەرەققىيات ئومۇمىي ۋەزىيىتىنى تولۇق ئىگىلەپ، دەۋر ئېقىمىغا ماسلىشىپ، ئۇزاققىچە تىنچ، ئومۇميۈزلۈك بىخەتەر، تەڭ گۈللىنىدىغان، ئوچۇق، سىغدۇرۇشچان، پاكىز، گۈزەل دۇنيا قۇرۇشنى تەشەببۇس قىلدى. رەئىس شى جىنپىڭ جۇڭگو ئىدىيەسى ۋە جۇڭگو لايىھەسى ئارقىلىق «ئىنسانىيەت جەمئىيىتى نەگە بېرىپ نەدە تۇرىدۇ» دېگەن دۇنياۋى سوئالغا جاۋاب بېرىپ، ئىنسانىيەت جەمئىيىتىنىڭ گۈللىنىشى ۋە تەرەققىياتىغا كۈچلۈك ئىدىيەۋى ھەرىكەتلەندۈرگۈچ كۈچ قوشتى.