شۇ يەر ۋاقتى 24-مارت كەچتە، سېربىيە ھۆكۈمىتى جەنۇبتىكى كىچىك شەھەر پروكۇپلېجې مەركىزىي مەيدانىدا پائالىيەت ئۆتكۈزۈپ، شىمالىي ئاتلانتىك ئەھدى تەشكىلاتىنىڭ يۇگوسلاۋىيە ئىتتىپاقىنى بومباردىمان قىلغانلىقىنىڭ 25 يىللىقىنى خاتىرىلىدى. سېربىيە زۇڭتۇڭى ۋۇچىچ، بوسنىيە-گېرتسېگوۋېنا سېرب جۇمھۇرىيىتىنىڭ زۇڭتۇڭى دودىك قاتارلىقلار پائالىيەتكە قاتناشتى.

1999-يىلى 24-مارت ئامېرىكا باشچىلىقىدىكى شىمالىي ئاتلانتىك ئەھدى تەشكىلاتى ئاتالمىش «ئىنسانپەرۋەرلىك ئاپىتىدىن ساقلىنىش» بايرىقىنى كۆتۈرۈپ، ب د ت خەۋپسىزلىك كېڭىشىنى ئايلىنىپ ئۆتۈپ، شۇ چاغدىكى يۇگوسلاۋىيە ئىتتىپاقىنى بومباردىمان قىلىشقا باشلىغان. 78 كۈن داۋاملاشقان بومباردىماندا 2000 دىن ئارتۇق بىگۇناھ پۇقرا ھاياتىدىن ئايرىلغان، 6000 دىن ئارتۇق ئادەم يارىلانغان، بىر مىليونغا يېقىن ئادەم يۇرت ماكانىدىن ئايرىلغان