فىرانسىيە ئاخبارات ئاگېنتلىقىنىڭ خەۋىرىگە قارىغاندا، فىرانسىيە زۇڭتۇڭى ماكرون 25-مارت مۇنۇلارنى بىلدۈرگەن: فىرانسىيە ئىگىلىگەن ئاخباراتتا كۆرسىتىلىشىچە، رۇسىيەنىڭ موسكۋا ئوبلاستىدىكى كونسېرت زالىغا ھۇجۇم قىلىش ۋەقەسىنى ئەسەبىي تەشكىلات سادىر قىلغان بولۇپ، بۇ تەشكىلات يېقىندا فىرانسىيە زېمىنىدا كۆپ قېتىم ھۇجۇم قوزغىماقچى بولغان.

خەۋەردە ئېيتىلىشىچە، ماكرون شۇ كۈنى جەنۇبىي ئامېرىكا قىتئەسىنىڭ شەرقىي شىمالىدىكى فىرانسىيەگە قاراشلىق گۋىئاناغا يېتىپ بارغان، ئۇ يەردە، ئۇ موسكۋا ئوبلاستىدىكى كونسېرت زالىنىڭ تېررورلۇق ھۇجۇمىغا ئۇچراش ۋەقەسى توغرىسىدا مۇخبىرغا مۇنداق دېگەن: فىرانسىيە ئىگىلىگەن ئاخباراتتا كۆرسىتىلىشىچە، ئەسەبىي تەشكىلات ئىسلام دۆلىتى بۇ قېتىمقى ھۇجۇمنى پىلانلىغان ۋە قوزغىغان. ئۇ يەنە تولۇقلاپ مۇنداق دېگەن: «بۇ تەشكىلات ئىلگىرى كۆپ قېتىم فىرانسىيەدە ھۇجۇم قوزغىماقچى بولغان».

خەۋەردە يەنە مۇنداق دېيىلدى: ماكرون رۇسىيەنى بۇ قېتىمقى ھۇجۇم قىلىش ۋەقەسىدىن پايدىلىنىپ ئۇكرائىناغا قارشى تۇرۇشنى كۈچەيتىۋەتمەسلىككە ئاگاھلاندۇردى.