رۇسىيە بىلەن تۈركىيەنىڭ دىپلوماتىيە مىنىستىرى ئىككى تەرەپلىك مۇناسىۋەت قاتارلىق مەسىلىلەردە سۆھبەتلەشتى
رۇسىيەنىڭ دىپلوماتىيە مىنىستىرى لاۋروف 29-دېكابىر تۈركىيەنىڭ دىپلوماتىيە مىنىستىرى چاۋۇش ئوغلى بىلەن رۇسىيەنىڭ قارا دېڭىز بويىدىكى شەھىرى سۇچىدا سۆھبەتلىشىپ، ئىككى تەرەپلىك مۇناسىۋەت قاتارلىق مەسىلىلەرنى مۇزاكىرە قىلدى. ئىككى تەرەپ مۇنداق دېدى: يېڭى تاجسىمان ۋىرۇسلۇق ئۆپكە ياللۇغى يۇقۇمىنىڭ تەسىرىدە رۇسىيە بىلەن تۈركىيەنىڭ سودا سوممىسى مەلۇم دەرىجىدە تۆۋەنلىدى. ئىككى تەرەپنىڭ كونكرېت تەدبىرلەرنى تۈزۈپ، ئىقتىساد سودا ھەمكارلىق ۋەزىيىتىنى ئەسلىگە كەلتۈرۈشىگە توغرا كېلىدۇ.