كىم جوڭئۇن جۇڭگو خەلق پىدائىيلار ئارمىيەسى ئىنقىلابىي قۇربانلار قەبرىستانلىقىنى زىيارەت قىلدى
مەنبەسى:جۇڭگو ئۇيغۇرچە رادىيو تورى |تەھرىر:گۈلبەھرەم مۇختار| يوللانغان ۋاقىت: 2023-07-27 16:46
چاۋشيەن مەركىزى ئاگېنتلىقىنىڭ خەۋىرىگە قارىغاندا، چاۋشيەن ئەمگەك پارتىيەسىنىڭ باش شۇجىسى، دۆلەت كومىسسارىيىتىنىڭ باشلىقى كىم جوڭئۇن چاۋشيەن ۋەتەن ئازادلىق ئۇرۇشى غەلىبىسىنىڭ 70 يىللىقى ھارپىسىدا، جۇڭگو خەلق پىدائىيلار ئارمىيەسىنىڭ پىڭئەن نامدو خوئېساڭجۈندىكى ئىنقىلابىي قۇربانلار قەبرىستانلىقىنى زىيارەت قىلغان. كىم جوڭئۇن مۇنۇلارنى بىلدۈردى: چاۋشيەن-جۇڭگو ئىككى دۆلەت خەلقىنىڭ ئىسسىق قېنى بەدىلىگە قولغا كەلگەن ئۇلۇغ غەلىبە ئەسىر ھالقىپ، غايەت زور ھاياتىي كۈچىنى مەڭگۈ ساقلايدۇ، جۇڭگو خەلق پىدائىيلار ئارمىيەسىنىڭ ئىنقىلابىي قۇربانلىرى چاۋشيەن خەلقىنىڭ قەلبىدە مەڭگۈ ھايات، چاۋشيەن ـ جۇڭگو ئىككى دۆلەت خەلقىنىڭ ئىتتىپاقلىق تارىخى ۋە ئەنئەنىسى ئەۋلادتىن-ئەۋلادقا داۋاملىشىدۇ.
تەرجىمان: ئەنۋەر ئەركىن
