جۇڭگو ئۇيغۇرچە رادىيو تورى 21-يانۋار بېيجىڭ خەۋىرى:

ئىستانسىمىز «يېڭى تەرەققىيات باسقۇچىدىكى يېڭى پۇرسەت، يېڭى خىرىسقا دېئالىكتىكىلىق تەپەككۇر بىلەن مۇئامىلە قىلايلى» ماۋزلۇق ئوبزورنى ئېلان قىلدى.

ئوبزوردا مۇنداق دەپ كۆرسىتىلدى: دىيالېكتىكىلىق تەپەككۇر-دۇنيانى تونۇش ۋە ئۆزگەرتىشتىكى كۈچلۈك ئىدىيەۋى قورال. باش شۇجى شى جىنپىڭ نۇرغۇن سورۇنلاردا دىيالېكتىكىلىق تەپەككۇرنىڭ مۇھىملىقىنى تەكىتلىدى. «ئىككى 100 يىل»لىق كۈرەش نىشانىنىڭ تارىخىي گىرەلىشىش مەزگىلىدە تۇرغاندا، ئالغا ئىلگىرىلەش يولىدىكى تۈرلۈك زىددىيەت، مەسىلىلەر ۋە خىيىم-خەتەر، خىرىسلارنى ھەل قىلىشىمىز، بولۇپمۇ دىيالېكتىكىلىق تەپەككۇرنى كۈچەيتىپ، ماركسىزملىق مەيدان، نۇقتىئىنەزەر، ئۇسۇلدا چىڭ تۇرۇپ، ھادىسىدىن ئۆتۈپ ماھىيەتنى كۆرۈپ، كىرىزىس بىلەن پۇرسەتنى ئىگىلەپ، دۆلەت ئىچى ۋە سىرتىنى بىر تۇتاش پىلانلاپ، ئەۋزەللىك ۋە يېتەرسىزلىكلەرنى ئېنىق تونۇپ، قىسقا مۇددەتلىك تاقابىل تۇرۇش بىلەن ئوتتۇرا، ئۇزاق مەزگىللىك تەرەققىياتقا تەڭ ئەھمىيەت بېرىپ، نەزەرىيەدە يېڭىلىق يارىتىش ۋە ئەمەلىي ئىجادچانلىقنىڭ يېڭى مەنزىلىنى ئۈزلۈكسىز كېڭەيتىشىمىز كېرەك.