2021-يىللىق ئۆلكە دەرىجىلىك ئىككى يىغىن باشلاندى، خېنەن ئۆلكىسى ئالدى بىلەن ئىككى يىغىن ۋاقتىغا قەدەم قويدى
جۇڭگو ئۇيغۇرچە رادىيو تورى 21-يانۋار بېيجىڭ خەۋىرى:
سىياسىي كېڭەش خېنەن ئۆلكىلىك 12-نۆۋەتلىك كومىتېتىنىڭ 4-يىغىنى 1-ئاينىڭ 17-كۈنى جېڭجۇدا ئېچىلدى، خېنەن ئۆلكىسى ئالدى بىلەن «ئىككى يىغىن مەزگىلى»گە قەدەم قويدى، يىلدا بىر قېتىم ئېچىلىدىغان ئۆلكە دەرىجىلىك يەرلىكنىڭ ئىككى يىغىنى شۇنىڭ بىلەن باشلاندى.
يۇقۇمنىڭ ئالدىنى ئېلىش-تىزگىنلەش ئېھتىياجى تۈپەيلىدىن خېنەن ئۆلكىلىك 13-نۆۋەتلىك خەلق قۇرۇلتىيى 4-يىغىنى، خېنەن ئۆلكىلىك سىياسىي كېڭەش 12-نۆۋەتلىك كومىتېتى 4-يىغىنىنىڭ ۋاقتى ئۈچ يېرىم كۈنگە قىسقارتىلدى، يىغىن كۆلىمى قاتتىق كونترول قىلىنىپ، پۈتۈن مۇساپە يېپىق ھالەتتە باشقۇرۇلدى؛ ھەرقايسى ۋەكىللەر تۇرۇشلۇق جاي، ئەزالار تۇرۇشلۇق جاي ئالدىنى ئېلىش-تىزگىنلەش تەدبىرلىرىنى كۈچەيتىپ، يۇقۇمنىڭ ئالدىنى ئېلىش، مەسئۇلىيەتنى ئادا قىلىشقا دەخلى يەتكۈزمەسلىككە كاپالەتلىك قىلدى. خېنەن جۇڭجۇ مېھمانخانىسى تۇرۇشلۇق جايدىكى يۇقۇمنىڭ ئالدىنى ئېلىش-تىزگىنلەش گۇرۇپپىسىنىڭ باشلىقى شېن خۇەيجۈن مۇنداق دېدى: يىغىنغا قاتناشقان ۋەكىللەر يولغا چىققان جاي ۋە كىرگەن جايدا نوكلېئىك كىسلاتاسىنى قوش تەكشۈرۈش يولغا قويۇلۇپ، مېھمانخانىنىڭ ھەر قايسى رايونلىرىدا دېزىنفېكسىيە قىلىش خىزمىتى چىڭىتىلدى.
2021-يىلى 14-بەش يىللىق پىلان، ئومۇميۈزلۈك سوتسىيالىستىك زامانىۋىلاشقان دۆلەت قۇرۇشنىڭ يېڭى مۇساپىسى باشلانغان تۇنجى يىل. شۇڭا، بۇ يىل خېنەن ئۆلكىسى ئىككى يىغىنىدا ئادەتتىكى قارالمىلاردىن باشقا، خېنەن ئۆلكىلىك 13-نۆۋەتلىك خەلق قۇرۇلتىيى 4-يىغىنىدا يەنە خېنەن ئۆلكىسىنىڭ خەلق ئىگىلىكى ۋە جەمئىيەت تەرەققىياتىنىڭ 14-بەش يىللىق يىرىك پىلانى ۋە 2035-يىلغىچە بولغان كەلگۈسى نىشاننى بىكىتىش پروگرامما لايىھەسى قاراپ چىقىلىدۇ.
خېنەن ئۆلكىلىك خەلق قۇرۇلتىيىنىڭ ۋەكىلى ما شياڭجيې مۇنداق دېدى: سىياسەت جەھەتتىن قوللاشنى داۋاملىق چوڭقۇرلاشتۇرۇپ، ئەمەلىي كارخانىلارنىڭ ئەسلىگە كىلىش خاراكتېرلىك ئېشىشىنى ئىلگىرى سۈرۈش؛ تېخنىكىدا يېڭىلىق يارىتىشقا مەدەت بېرىشنى چوڭقۇرلاشتۇرۇپ، ئەنئەنىۋى كارخانىلارنىڭ تىپىنى ئۆزگەرتىپ، دەرىجىسىنى ئۆستۈرۈشىگە ئىلھام بېرىلىدۇ.