ئېلىمىزدە ئىشلەنگەن سودا ئايروپىلانى بولغان C919 تىپلىق چوڭ  يولۇچىلار ئايروپىلانى ۋە ARJ21 تىپلىق تارماق لىنىيە ئايروپىلانىغا 6-ئىيۇن ئېلىمىز ئۆز ئالدىغا تەتقىق قىلىپ ئىشلەپچىقارغان بىيو ئاۋىياتسىيە مېيى قاچىلىنىپ، تۇنجى قېتىملىق ئۇچۇش ۋەزىپىسى تاماملاندى، بۇ، ئېلىمىزنىڭ ئۆز ئالدىغا تەتقىق قىلغان يېشىل ئاۋىياتسىيە تېخنىكىسىنى ئىشلىتىشتە مۇھىم ئىلگىرىلەشنى قولغا كەلتۈرگەنلىكىدىن دېرەك بېرىدۇ.

بۇ قېتىم ئېلىمىزدە ئىشلەنگەن ئايروپىلانغا قاچىلانغان بىيو ئاۋىياتسىيە مېيىنىڭ خام ماتېرىيالى كۈندىلىك تۇرمۇشتا ئىشلىتىلگەن تاماق ئېتىش مېيى. تاماقتىن ئېشىپ قالغان كېرەكسىز مايدىن بىيو ئاۋىياتسىيە مېيى ئىشلەپچىقىرىشتىكى ئەڭ چوڭ قىيىن نۇقتا شۇكى، تاماقتىن ئېشىپ قالغان كېرەكسىز ماينىڭ تەركىبىدە كۆپ مىقداردا ياغ كىسلاتاسى تۈرىدىكى بىرىكمىلەر بولۇپ، ئوكسىگېن مىقدارى يۇقىرى بولغاچقا، ئايرىش قۇرۇلمىسىدىكى كاتالىزاتورنىڭ ئاكتىپلىقى ۋە مۇقىملىقىغا تەسىر يەتكۈزىدۇ.

تەرجىمان: ئابدۇللا موللا

سېلىشتۇرغۇچى: ئادىل ئابلەت