جۇڭگو سودا بىرلەشمىسى 9-ئاينىڭ 6-كۈنى ئېلان قىلغان سانلىق مەلۇماتتا كۆرسىتىلىشچە، 9-ئايدا، جۇڭگو پارچە سېتىش كەسپىنىڭ گۈللىنىش كۆرسەتكۈچى %50.6 بولۇپ، ئالدىنقى ئايدىكىدىن %0.5 ئېشىپ، 8 ئايدىن بۇيانقى يېڭى يۇقىرى سەۋىيە يارىتىلغان. ساھەلەر بويىچە قارىغاندا، تاۋار تىجارىتى تۈرىدىكى كۆرسەتكۈچ %50.6 بولۇپ، ئالدىنقى ئايدىكىدىن 0.9 پوئىنت ئۆرلىگەن؛ ئىجارە تىجارىتى تۈرىدىكى كۆرسەتكۈچ %51.4 بولۇپ، ئوتتۇرا، يۇقىرى گۈللىنىش دائىرىسىنى ساقلىغان؛ ئېلېكتىرونلۇق سودا تىجارەت تۈرى كۆرسەتكۈچى ئالدىنقى ئايدىكىدىن 0.4 پوئىنت ئۆرلىگەن.
كونىسىنى يېڭىغا ئالماشتۇرۇش سىياسىتىنىڭ داۋاملىق كۈچ قوشۇشىغا ئەگىشىپ، تاۋار ئىستېمال ئېھتىياجى سىجىل ئاشقان، پارچە سېتىش كارخانىلىرى پائال زاپاس مال تەييارلىغان، پايدا ئېلىش ئىشەنچىسى كۆرۈنەرلىك ئاشقان، پارچە سېتىش كەسپىنىڭ تەرەققىيات يۈزلىنىشى كۆرۈنەرلىك ياخشىلانغان.
تەرجىمان: ئابدۇللا موللا
سېلىشتۇرغۇچى: قۇرباننىسا جاپپار