باش بەت>>ساغلاملىق
كاربونات كىسلاتالىق ئىچىملىكلەرنىڭ بەش چوڭ زىيىنى
مەنبەسى:شىنجاڭ گېزىتى |تەھرىر:مېھرىگۈل خۇدابەردى | يوللانغان ۋاقىت:2014-10-01 17:20:58

 

كاربونات كىسلاتالىق ئىچىملىكلەر تۈرلۈك گازلىق ئىچىملىكلەرنى كۆرسىتىدۇ. ئۇلارنىڭ تەركىبىدە ئاساسلىقى كاربونات كىسلاتالىق سۇ، لىمون كىسلاتاسى قاتارلىق كىسلاتالىق ماددىلار ھەم ئاق شېكەر، پۇراقلىق ماددا، ھەتتا كوفېئىن، پىگمېنت ماددىسى بار. ھاۋا ئىسسىق كۈنلەردە نۇرغۇن كىشى كاربونات كىسلاتالىق ئىچىملىكلەرنى ئىچىش ئارقىلىق، ئۇسسۇزلۇقىنى قاندۇرىدۇ. كاربونات كىسلاتالىق ئىچىملىكلەر گەرچە تەمى ياخشى، ئىچىشلىك بولسىمۇ، بىراق ئۇنىڭ زىيانلىق تەرەپلىرىمۇ خېلى بار. كاربونات كىسلاتالىق ئىچىملىكلەرنىڭ بەش چوڭ زىيىنى:

1.ئىچكەنسېرى ئۇسسۇزلۇق قانمايدۇ

كاربونات كىسلاتالىق ئىچىملىكلەرنىڭ تەركىبىدە ھېچقانداق ئوزۇقلۇق ماددا يوق دېيەرلىك بولۇپ، كۆپ مىقداردىكى يېمەكلىك خۇرۇچلىرىدىن تەركىب تاپقان. مەسىلەن: پىگمېنت، تاتلىق تەم كىرگۈزگۈچ، كىسلاتالىقىنى تەڭشىگۈچ قاتارلىق ماددىلار بار بولۇپ، بۇ سۈنئىي ئۇسۇلدا بىرىكتۈرۈلگەن ماددىلارنىڭ ئادەم بەدىنىگە ھېچقانداق پايدىسى يوق. ئۇلار بەدەندە ماددا ئالماشتۇرغاندا، كۆپ مىقداردا سۇغا ئېھتىياجلىق بولىدۇ، ئۇنىڭ ئۈستىگە كولادىكى كوفېئىننىڭ كىچىك تەرەتنى راۋانلاشتۇرۇش رولى بولغاچقا، بەدەندىكى سۇنىڭ سىرتقا چىقىرىلىشىنى تېزلىتىدۇ، شۇڭا ئۇسسىغاندا كاربونات كىسلاتالىق ئىچىملىكلەرنى ئىچسە، ئىچكەنسېرى ئۇسسايدۇ.

2.چىشنى زەخىملەندۈرىدۇ

قەنت مىقدارى يۇقىرى بولغان كاربونات كىسلاتالىق ئىچىملىكلەرنىڭ تەركىبىدە قەنت بولۇپلا قالماستىن، بەلكى يەنە كۆپ مىقداردا كاربونات كىسلاتا بار. بۇ كىسلاتالىق ماددىلار بىلەن قەنتلەر چىشنىڭ ئېمال ماددىسىنى يۇمشىتىپ، چىشنى ئاسان قۇرت يېيىشنى كەلتۈرۈپ چىقىرىدۇ. ئەگەر مۇشۇ سەۋەبتىن، چىشنىڭ ئېمال ماددىسى يۇمشاپ، چىشنى قۇرت يېسە، چىش چوتكىلاش ئۇسۇلى توغرا بولمىسا، چىشنىڭ زەخىملىنىشىنى كەلتۈرۈپ چىقىرىدۇ.

 

ئالدىنقىسى
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق