باش بەت>>مائارىپ>>مائارىپ ئۇچۇرلىرى
دادىسى كۆپ باققان بالا تېخىمۇ ئەقىللىق بولىدۇ
مەنبەسى:شىنجاڭ قانۇنچىلىق گېزىتى |تەھرىر:مېھرىگۈل خۇدابەردى | يوللانغان ۋاقىت:2014-12-11 16:41:09

 

ئاتا ئائىلە تەربىيەسىگە قانچە كۆپ قاتناشسا، بالىنىڭ مەكتەپتىكى نەتىجىسى شۇنچە ياخشى، جەمئىيەتتىكى مۇۋەپپەقىيىتى شۇنچە زور بولىدۇ. ئۇنداقتا نېمە ئۈچۈن شۇنداق بولىدۇ؟

ئاياللار تۇغما ھېسسىياتچان، ئەستايىدىل-ئىنچىكە، مۇلايىم كېلىدۇ، بۇنىڭ بالا تەربىيەسىدىكى رولى ئىنتايىن زور، بىراق بۇ قىسمەن بالىلاردا قورقۇنچاقلىق، ئۆزىگە ئىشەنمەسلىك خاراكتېرنى يېتىلدۈرۈپ قويىدۇ، ئاتا دەل مۇشۇ يېتەرسىزلىكنى تولۇقلايدۇ، ئەرلەرنىڭ كەسكىن، يۈرەكلىك، ئۆزىگە ئىشەنچىنىڭ كۈچلۈك بولۇشىدەك خاراكتېرى بالىلارغا ياخشى ئۈلگە بولىدۇ.

1.ئاتىلار بالىغا قانداق تەربىيە بېرىش جەھەتتە ئانىلاردىن بالىلىرىدىن بەك چوڭ ئۈمىد كۈتىدۇ، ئەمما ئەمەلىي تەربىيەدە ھېچقانداق پىلانى بولمايدۇ. ئاتىلار بالىلارنى تەربىيەلەشتە ئالدىن پىلان تۈزىدۇ، بالىدا قانداق ئەخلاق-پەزىلەت يېتىلدۇرۇشنى ئالدىن ئويلىشىدۇ.

2.تەربىيە مەزمۇنىدا ئاتىلار بىر قەدەر ئۈستۈن تۇرىدۇ. ئاتىنىڭ بىلىم دائىرىسى ئانىلاردىن كەڭ بولىدۇ، ئاتىلار بۇ ئەۋزەللىكىدىن پايدىلىنىپ بالىلارغا تارىخىي ھېكايىلەر، ئۆرپ-ئادەت، قەھرىمانلار ھەققىدە ھېكايىلەرنى ئېيتىش ئارقىلىق بالىلارنىڭ بۇ جەھەتتىكى بىلىمىنى ئاشۇرىدۇ.

3. تەربىيەلەش ئۇسۇلى ئىلمىي بولىدۇ. ئاتىلار ئادەتتە بالىنى ئۆزى كاللا ئىشلىتىپ، قول سېلىپ ئىش قىلىشقا رىغبەتلەندۈرىدۇ. ئاتىلار بالىغا بىر قەدەر قاتتىق قول كېلىدۇ، ئانا بولسا كۆڭلىنىڭ يۇمشاقلىقى سەۋەبلىك بالىغا قاتتىق قوللۇق قىلالمايدۇ، نەتىجىدە بالىنىڭ ئەركە چوڭ بولۇپ قېلىشىغا سەۋپچى بولىدۇ.

4.بەدەن ساپاسى ياخشى بولىدۇ. ئاتىلار بالىلىرىنىڭ قۇم، توپا ئوينىشىنى چەكلىمەيدۇ، ئەمما ئانىلار ئۇلارنىڭ كىيىمىنى مەينەت قىلىۋېتىشدىن ئەنسىرەپ، بۇ خىل ئويۇندىن توسىدۇ. ئەنگلىيە ئالىملىرى تەكشۈرۈش ئارقىلىق بالىلارنىڭ زىيادە پاكىز بولۇشىنىڭ سالامەتلىكىگە زىيانلىق ئىكەنلىكىنى ئېنىقلاپ چىققان.

5. خاراكتېر يېتىلدۈرۈش ئۇسۇلى ئۆزگىچە بولىدۇ. ئانىلار بالىلارغا زىيان يېتىشىدىن ئەنسىرەپ، بالىنى سەل خەتەرلىك پائالىيەتلەرگە قاتناشتۇرمايدۇ، بىراق ئاتا ئۇنداق قىلمايدۇ، ئۇلار بالىلارنىڭ پائالىيەتچان بولۇشىنى تەشەببۇس قىلىدۇ، ئۆزىنى قوغداش ئۇسۇللىرىنى ئۆگىتىدۇ، مۇستەكلەيدۇ ھەم بۇ جەھەتتە بالىنى ھەر ۋاقىت رىغبەتلەندۈرۈشنى ئۇنتۇمايدۇ.

ھەمبەھىرلەش
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق