\ ناچار ئۇچۇرلارنى پاش قىلىش: mzjubao@cnr

كۆپ دۆلەت ئالىملىرى رەئىس شى جىنپىڭنىڭ تەبرىك خېتىنى قىزغىن مۇزاكىرە قىلدى

مەنبەسى:جۇڭگو ئۇيغۇرچە رادىيو تورى     |تەھرىر:گۈزەلنۇر روزى|     يوللانغان ۋاقىت: 2019-10-28 13:28

كۆپ دۆلەت ئالىملىرى رەئىس شى جىنپىڭنىڭ «جۇڭگونى چۈشىنىش» خەلقئارا يىغىنىغا ئەۋەتكەن تەبرىك خېتىنى قىزغىن مۇزاكىرە قىلدى

2019-يىللىق «جۇڭگونى چۈشىنىش» گۇاڭجۇ خەلقئارا يىغىنى 10-ئاينىڭ 26-كۈنى ئېچىلدى. دۆلەت رەئىسى شى جىنپىڭ يىغىنغا تەبرىك خېتى ئەۋەتىپ مۇنۇلارنى تەكىتلىدى: ئىقتىسادنىڭ دۇنياۋىلىشىش ئېقىمىنى كەينىگە ياندۇرغىلى بولمايدۇ، ھەرقايسى دۆلەتلەرنىڭ مەنپەئەتى كۈنسېرى يۇغۇرۇلۇپ، تەقدىرى تېخىمۇ بىر-بىرىگە باغلىنىش ۋەزىيەتنىڭ تەقەززاسى بولۇپ قالدى، ئۈزلۈكسىز تېخىمۇ گۈزەل تۇرمۇش يارىتىش ھەرقايسى دۆلەت خەلقىنىڭ ئورتاق ئارزۇسى. كۆپ دۆلەت ئالىملىرى بۇنى چوڭقۇر قۇۋۋەتلەپ، جۇڭگونىڭ ئىقتىسادنىڭ دۇنياۋىلىشىشىنىڭ تېخىمۇ ئېچىۋېتىلگەن، سىغدۇرۇشچان، ئومۇمىي مەنپەئەتدار، تەڭپۇڭ، تەڭ پايدا ئېلىش يۆنىلىشىگە قاراپ تەرەققىي قىلىشىغا قوشقان تۆھپىسىگە ئىجابىي باھا بەردى.

گۇاڭجۇدا يىغىنغا قاتنىشىۋاتقان ئامېرىكا برۇككىنس ئىلمىي جەمئىيىتى جون سانتون جۇڭگو مەركىزىنىڭ مۇدىرى لى چېڭ مۇنداق دېدى: «مەن جۇڭگو رەھبەرلىرىنىڭ چەت ئەلنىڭ جۇڭگو توغرىسىدىكى تەتقىقاتى ۋە تەھلىلىگە ئىنتايىن ئەھمىيەت بېرىدىغانلىقىنى ھېس قىلدىم ». ئۇلار «جۇڭگونى چۈشىنى » خەلقئارا ئالاقىسىگە قارىتا ئوچۇق، ئەمەلىيەتچىل، سىغدۇرۇشچان پوزىتسىيەدە بولدى. دۇنيا بۇ قېتىمقى يىغىننىڭ نامىغا ئوخشاش، جۇڭگونى تېخىمۇ چۈشىنىشى كېرەك.

ئەنگلىيەلىك جەمئىيەتشۇناس، «دۇنياۋىلىشىش» ئۇقۇمىنى تۇنجى تەشەببۇس قىلغۇچىلارنىڭ بىرى مارتىن ئاربروۋ مۇنداق دېدى: جۇڭگو ئىقتىسادنىڭ دۇنياۋىلىشىشىدىن مەنپەئەتلەنگۈچى، شۇنداقلا تۆھپە قوشقۇچى، جۇڭگو باشقا دۆلەتلەرنىڭ جۇڭگونىڭ تېز تەرەققىياتىنى چوڭقۇر چۈشىنىشىنى قارشى ئالىدۇ. «جۇڭگونى چۈشىنىش» يىغىنى شەرق بىلەن غەربنىڭ كۆپ ساھەسىدىن كەلگەن مۇتەخەسسىس، ئالىملارنى بىر يەرگە جەم قىلدى، ئۇنىڭ تەسىرى جۇڭگو چېگراسىدىن خېلىلا ھالقىپ كېتىدۇ، «بۇ خىل ئالماشتۇرۇش دەل ئىنسانىيەت تەقدىرى ئورتاق گەۋدىسى بەرپا قىلىشتا زۆرۈر بولغان يەر شارى سۆزلىشىشنىڭ مۇھىم ئۇل تېشى».

رۇسىيە پەنلەر ئاكادېمىيەسى يىراق شەرق تەتقىقات ئورنىنىڭ مۇئاۋىن باشلىقى ئاندىرېي ئوستروۋسكى مۇنداق دېدى: ئىقتىسادنىڭ دۇنياۋىلىشىشى پۈتۈن دۇنياغا پايدىلىق، جۇڭگو ئىقتىسادنىڭ دۇنياۋىلىشىشى ئۈچۈن مۇھىم تۆھپە قوشماقتا. «بىر بەلباغ، بىر يول»نى تەڭ قۇرۇش ئارقىلىق، جۇڭگو شەرقىي ياۋروپا، ئوتتۇرا ئاسىيا، غەربىي ئاسىيا، جەنۇبىي ئاسىيا ۋە شەرقىي جەنۇبىي ئاسىيا دۆلەتلىرى بىلەن بولغان سودا ئالاقىسىنى كېڭەيتىپ، بۇ رايونلارنىڭ ئىقتىسادىي تەرەققىياتىنى ئىلگىرى سۈردى. جۇڭگو ئېچىۋېتىش يولىدا مېڭىشتا چىڭ تۇرۇپ، باشقا دۆلەتلەرنى ئۆزئارا مەنپەئەت يەتكۈزۈش ئاساسىدىكى ھەمكارلىقنى قانات يايدۇرۇشقا چاقىردى. جۇڭگو پايدا ئالدى، دۇنيامۇ پايدا ئالدى.

ئۇكرائىنا كىيېۋ دۆلەتلىك تىل داشۆسىنىڭ ئالىي تەتقىقاتچىسى دېنىس مېزليۇك مۇنداق دېدى: ئىقتىسادنىڭ دۇنياۋىلىشىش تەرەققىيات ئېقىمىنى كەينىگە ياندۇرغىلى بولمايدۇ، لېكىن شۇنىمۇ كۆرۈش كېرەككى، ئىقتىسادنىڭ دۇنياۋىلىشىش مۇساپىسى قورۇقچىلىقنىڭ باش كۆتۈرۈشى قاتارلىق مەسىلىلەر ۋە خىرىسلارغا دۇچ كېلىۋاتىدۇ. ئىقتىسادنىڭ دۇنياۋىلىشىشىنىڭ توغرا يۆنىلىشكە قاراپ تەرەققىي قىلىشىنى ئىلگىرى سۈرۈش جەريانىدا، جۇڭگونىڭ كۈچى ئىنتايىن مۇھىم. جۇڭگو «بىر بەلباغ، بىر يول»نى تەڭ قۇرۇش ئارقىلىق، ھەرقايسى دۆلەتلەر، بولۇپمۇ تەرەققىي قىلىۋاتقان دۆلەتلەر بىلەن بولغان ھەمكارلىقنى پائال راۋاجلاندۇرۇپ، ئەمەلىي ھەرىكىتى ئارقىلىق ئىقتىسادنىڭ دۇنياۋىلىشىشىنىڭ تېخىمۇ ياخشى تەرەققىياتىنى ئەمەلىي ھەرىكىتى بىلەن ئىلگىرى سۈردى.

ئاۋسترالىيە سىدنېي داشۆسى سودا شۆيۈەنىنىڭ پىروفېسسورى خەنس خېندرېشك مۇنداق دېدى: كۆپ تەرەپلىك سودا سىستېمىسىغا سىڭىپ كىرىش ئارقىلىق، جۇڭگو ئىقتىسادى تېز تەرەققىي قىلدى، جۇڭگو ئىقتىسادنىڭ دۇنياۋىلىشىشىدىن مەنپەئەتلەنگۈچى بولۇش سۈپىتى بىلەن بۇ سىستېمىنى تىرىشىپ قوغدىماقتا. ئىشىكنى سىرتقا سىجىل ئېچىۋېتىش جۇڭگونىڭ ئىقتىسادنىڭ دۇنياۋىلىشىشىغا قوشقان زور تۆھپىسى.

لاتۋىيەدە چىقىدىغان «بۈگۈنكى گېزىتى»نىڭ باش مۇھەرىرى ئاندېرىي شىۋدوف مۇنداق دېدى: رەئىس شى جىنپىڭ تەبرىك خېتىدە جۇڭگونىڭ ئوچۇق دۇنيا ئىقتىسادىنىڭ تەرەققىياتىنى قوللاش ۋە ئىقتىسادنىڭ دۇنياۋىلىشىشىنىڭ تېخىمۇ ئېچىۋېتىلگەن، سىغدۇرۇشچان، ئومۇمىي مەنپەئەتدار، تەڭپۇڭ، تەڭ پايدا ئالىدىغان يۆنىلىشكە قاراپ تەرەققىي قىلىشىنى ئىلگىرى سۈرۈش مەيدانىنى تەكىتلىدى، بۇ ئىنتايىن مۇھىم سىگنال. «جۇڭگونى چۈشىنىش» يىغىنى ھەرقايسى دۆلەتلەرگە جۇڭگونىڭ تەرەققىيات يۆنىلىشىنى تېخىمۇ چۈشەندۈردى، بۇ لاتۋىيەنى ئۆز ئىچىگە ئالغان ھەرقايسى دۆلەتلەرنىڭ جۇڭگو بىلەن بولغان ئەمەلىي ھەمكارلىقىنى چوڭقۇرلاشتۇرۇشقا پايدىلىق.

 

中央广播电视总台 央广网 版权所有