24-مارت كەچتە، جۇڭگو ئاياللار ۋاسكېتبول بىرلەشمە مۇسابىقىسى پەسىلدىن كېيىنكى مۇسابىقىسىنىڭ بىرىنچى ئايلانما 3-مەيدان مۇسابىقىسىدە، شىنجاڭ ئاياللار ۋاسكېتبول كوماندىسى ئۆز مەيدانىدا ئۈرۈمچى شەھىرى خۇڭسەن تەنتەربىيە سارىيىدا شەندۇڭ گاۋسۇ ئاياللار ۋاسكېتبول كوماندىسى بىلەن مۇسابىقىلىشىپ، ئاخىرىدا 58گە قارشى 60 نەتىجە بىلەن رەقىبىگە تەڭ كېلەلمەي، ئومۇمىي نومۇردا بىرگە قارشى ئىككى نەتىجە ئېلىپ قېلىپ، سەككىز كۈچلۈك كوماندا قاتارىغا كىرەلمىدى.

  گەرچە شىنجاڭ ئاياللار ۋاسكېتبول كوماندىسى ئەپسۇسلىنارلىق ھالدا رەقىبىگە تەڭ كېلەلمەي، بۇ مۇسابىقە پەسلىدىكى بارلىق مۇسابىقىسىنى ئاخىرلاشتۇرغان بولسىمۇ، لېكىن شۇ كۈنى كەچتىكى مۇسابىقە نەق مەيدانىدىكى كۆپلىگەن نادىر كۆرۈنۈش توپ مەستانىلىرىدە يەنىلا چوڭقۇر تەسىرلەرنى قالدۇردى.