ئۈندىداردىكى قەدەم سانىڭىز قانچەكۆپ بولسا شۇنچە ساغلام بولامسىز؟
0
2018-07-12 10:03:00
|
مەنبەسى:جۇڭگو ئۇيغۇرچە رادىيو تورى
|
تەھرىر :مېھرىگۈل خۇدابەردى

 

ھازىر ھەممەيلەن ساغلاملىققا ناھايىتى ئەھمىيەت بېرىدۇ، ھەرخىل تەنھەرىكەت ئەپلىرىمۇ كىشىلەرنىڭ ئالقىشىغا ئېرىشتى. كۆپىنچە كىشىلەر دوستلار چەمبىرىكىدە قەدەم سانىدا بىرىنچىلىكنى قوغلىشىدۇ. ئۇنداقتا ئۈندىداردىكى قەدەم سانىڭىزنىڭ نەچچە مىڭ، نەچچە ئون مىڭ بولۇشى ساغلام تەنھەرىكەتتىن دېرەك بېرەمدۇ؟ 
 

قەدەم سانىغىلا ئەھمىيەت بېرىشتىن ساقلىنىش كېرەك 

تەتقىقاتقا ئاساسلانغاندا، قۇرامىغا يەتكەنلەر ئادەتتە بىر كۈندە 8000 قەدەم ئەتراپىدا ماڭىدۇ، ئۇنىڭ ئۈستىگە 8000 قەدەمنىڭ كۈچلۈكلۈك دەرىجىسى ئىنتايىن تۆۋەن، ساغلاملىققا بولغان پايدىسىمۇ بەك چوڭ ئەمەس، سىز كۈندە ماڭغان نەچچە مىڭ قەدەم ئىچىدە پەقەت 2000 مىڭ قەدەمنىڭ ئۈنۈمى بولۇشى مۇمكىن. ئۇندىن باشقا سىز كەچتە ئۈندىداردىكى قەدەم سانىغا قاراپ ئۆزىڭىزنىڭ ئون مىڭ قەدەمدىن ئارتۇق ماڭغانلىقىڭىزنى كۆرۈپ ئەسلىدە پىلانلاپ قويغان شۇ كۈنلۈك كەچلىك چېنىقىشتىن ۋاز كېچىشىڭىز مۇمكىن.

گەرچە سىزنىڭ قەدەم ھېسابلىغۇچىڭىزدا كۈندە 20 مىڭ قەدەم ماڭغانلىقىڭىز كۆرسىتىلسىمۇ، لېكىن سىزنىڭ ئۈنۈملۈك، ساغلام بولغان قەدەم سانىڭىز بەلكىم تېخى يېتەرلىك بولمىغان بولۇشى مۇمكىن. شۇڭا قەدەم سانىدىن باشقا يەنە تۆۋەندىكى بىر قانچە نۇقتىغىمۇ دىققەت قىلىش كېرەك.

ھەرىكەتنىڭ كۈچلۈكلۈك دەرىجىسى: 

دۇنيا سەھىيە تەشكىلاتىنىڭ پىكرىگە ئاساسلانغاندا، ئوتتۇرا كۈچلۈك دەرىجىدىكى ھەرىكەت نۆۋەتتىكى ئۈنۈملۈك تەنھەرىكەتنىڭ ئاساسىي تەلىپى ئىكەن. ئۇنداقتا ئوتتۇرا كۈچلۈك دەرىجىدىكى ھەرىكەت ئىكەنلىكىگە قانداق ھۆكۈم قىلىش كېرەك؟

 1. مېڭىش سۈرئىتىگە قاراش، ئوتتۇرا كۈچلۈك دەرىجىدىكى ھەرىكەتنىڭ ئۆلچىمى مىنۇتىغا 110 دىن 130 قەدەمگىچە مېڭىش بولىدۇ.

2.يۈرەك سوقۇش قېتىم سانىغا قاراش كېرەك. 

ئوتتۇرا كۈچلۈك دەرىجىدىكى ھەرىكەتتىكى ئەڭ چوڭ يۈرەك سوقۇش رىتىمى نورمال يۈرەك سوقۇش رىتىمىنىڭ %70 تىن %85 گىچە بولىدۇ. مەسىلەن: ئادەمنىڭ تىنچ ۋاقتىدىكى يۈرەك سوقۇش قېتىم سانىنى مىنۇتىغا 70 قېتىم دېسەك، ئوتتۇرا كۈچلۈك دەرىجىدىكى ھەرىكەتتىكى يۈرەك سوقۇش رىتىمى مىنۇتىغا 130 قېتىمغا يېتىدۇ. كۆپىنچە كىشىلەر مېڭىپ چېنىقىشتا سەيلە قىلىپ مېڭىشنى تاللايدۇ، بۇنىڭدا يۈرەك سوقۇش رىتىمى مىنۇتىغا 100 دىن 110 قېتىمغىچە بولۇپ، 10 مىڭ قەدەم ماڭسىمۇ چېنىقىش ئۈنۈمى يۇقىرى بولمايدۇ.

3.ماڭغاندا ئازراق ھاسىراش كېرەك. 

ناھايىتى ئاددىي بىر ئۇسۇل بار، يەنى ماڭغاندا سەل ھاسىرىغاندا چېنىقىشنىڭ ئۈنۈمى بولىدۇ، لېكىن بۇنىڭ ئالدىنقى شەرتى ھاسىراپراق ماڭغاندىمۇ باشقىلار بىلەن نورمال پاراڭلىشالىشىڭىز كېرەك، ئەگەر ھاسىرىغاندا باشقىلار بىلەن نورمال پاراڭلىشالمىسىڭىز، ئوتتۇرا دەرىجىدىكى ھەرىكەتنىڭ كۈچلۈكلۈك دەرىجىسىدىن ئېشىپ كەتكەن بولىسىز.

ھەرىكەت ۋاقتى 

كۈندە ئاز دېگەندە 30مىنۇت ھەرىكەت قىلىش كېرەك. تاق قېتىملىق ھەرىكەت ۋاقتى 10 مىنۇتتىن ئاشسا ئاندىن ئۈنۈمى بولىدۇ، ھەپتىدە ئاز دېگەندە 4،5 كۈن تەنھەرىكەت قىلىش كېرەك.

بەزىلەر چوڭ قەدەم تاشلاپ ئىتتىك ماڭىدۇ، بەزىلەر قەدىمىنى كۈچلۈك ئالىدۇ، بۇلارنىڭ ھەممىسى تىز بوغۇمىغا زىيانلىق. شۇڭا قەدەم سانى كۆپ بولمىسىمۇ، ماڭغان ھالەت ئۆلچەملىك بولمىغاندا، موسكۇلمۇ زىيانغا ئۇچرايدۇ.

قانداق ماڭغاندا ساغلام بولىدۇ؟ 

1. قەددىنى تىك تۇتۇپ، قورساقنى يىغىپ، بەدەننىڭ ئېغىرلىق مەركىزىنى يۇقىرىلىتىپ مېڭىش، مۈرە بىلەن يەر يۈزى پاراللېل بولۇش كېرەك.

2. ماڭغاندا قولنى بەكرەك سېلىپ مېڭىش كېرەك، قەدەمنى نورمال ئېلىش، بەك چوڭ ياكى بەك كىچىك بولماسلىقى كېرەك.

 

مۇۋاپىق چېنىقىش مەيدانى تاللاش 

بىخەتەر بولغان چېنىقىش مەيدانى تاللاشمۇ ناھايىتى مۇھىم.ئەڭ ياخشىسى سولياۋ مەيداندا مېڭىش كېرەك، چۈنكى بۇ خىل مەيداننىڭ تىز بوغۇمىغا بولغان زەربىسى ئەڭ كىچىك، ئۇندىن قالسا ئاسفالت يول، سېمونت يول. 

 

چېنىقىشتا مۇۋاپىق كىيىم تاللاش   

چېنىققاندا مۇۋاپىق بولغان تەنتەربىيە ئايىقى ۋە ئۆزىڭىز راھەت ھېس قىلغان كىيىمنى تاللاڭ، بىر بوتۇلكا سۇ ئېلىۋېلىپ، ۋاقتىدا سۇ تولۇقلاشنى ئۇنتۇماڭ.


 

 
1123105096_1531207638403_title0h.jpg
U020180711351653783246.jpg
U020180711356969454554.jpg
U020180711358330043361.jpg
1123100748_1531140921811_title0h.jpg