شى جىنپىڭ قىشلىق ئولىمپىك مۇسابىقىسى تەييارلىقىنى تەكشۈردى
جۇڭگو ئۇيغۇرچە رادىيو تورى 19-يانۋار بېيجىڭ خەۋىرى:
باش شۇجى شى جىنپىڭ 1-ئاينىڭ 18-كۈنى بېيجىڭدا قىشلىق ئولىمپىك مۇسابىقىسى، قىشلىق مېيىپلار ئولىمپىك مۇسابىقىسىغا تەييارلىق قىلىش خىزمىتىنى تەكشۈردى. شى جىنپىڭ ئىلگىرى ـ كېيىن بولۇپ بېيجىڭ شەھىرى خەيديەن رايونىغا جايلاشقان پايتەخت تەنتەربىيە سارىيى ۋە بېيجىڭ شەھىرى يەنچىڭ رايونىغا جايلاشقان دۆلەت ئېگىز تاغ قار تېيىلىش مەركىزى، دۆلەت قار ماشىنىسى، چانا مەركىزىگە بېرىپ تەكشۈرۈپ تەتقىق قىلىپ، تەنھەرىكەت مەيدان-ساراي قۇرۇلۇشى ۋە تەنھەرىكەتچىلەرنىڭ مۇسابىقىگە قاتنىشىشقا تەييارلىق قىلىشى قاتارلىق ئەھۋاللارنى ئىگىلىدى، تەنھەرىكەتچىلەر، تىرېنېرلار ۋە يەنچىڭ مۇسابىقە رايونىنىڭ يۈرۈشۈشىگە كاپالەتلىك قىلىدىغان كوللېكتىپ، قۇرۇلۇشچىلار ۋەكىللىرىنى يوقلىدى ۋە ئۇلاردىن ھال سورىدى.