مەركەزنىڭ سەككىز بەلگىلىمىسىنىڭ روھىنى چوڭقۇر ئىزچىللاشتۇرۇش ئۆگىنىش-تەربىيەسى مەركەز يېتەكچىلىك گۇرۇپپىسىنىڭ خىزمەت سۆھبەت يىغىنى ئېچىلدى
مەنبەسى:جۇڭگو ئۇيغۇرچە رادىيو تورى |تەھرىر:ئىلدوس ياسىن| يوللانغان ۋاقىت: 2025-06-07 10:59
مەركەزنىڭ سەككىز بەلگىلىمىسىنىڭ روھىنى چوڭقۇر ئىزچىللاشتۇرۇش بويىچە ئۆگىنىش-تەربىيە مەركەز يېتەكچىلىك گۇرۇپپىسىنىڭ خىزمەت سۆھبەت يىغىنى 6-ئاينىڭ 6-كۈنى بېيجىڭدا ئېچىلدى. يىغىندا مۇنۇلار تەكىتلەندى: ھەرقايسى يېتەكچىلىك گۇرۇپپىلىرى پارتىيە مەركىزىي كومىتېتىنىڭ ئۆگىنىش ـ تەربىيە توغرىسىدىكى ئورۇنلاشتۇرما-تەلەپلىرىنى چوڭقۇر ئىزچىل ئەمەلىيلەشتۈرۈپ، باش شۇجى شى جىنپىڭنىڭ مۇھىم سۆزى ۋە مۇھىم يوليورۇقى، تەستىقىنىڭ روھىنى ئىزچىل ئەمەلىيلەشتۈرۈپ، يېتەكچىلىك قىلىش، ھەيدەكچىلىك قىلىش خىزمىتىنى چوڭقۇر، پۇختا ئىشلەپ، يەرلىك ۋە ئورۇنلارنىڭ ئۆگىنىشنى سىجىل چوڭقۇرلاشتۇرۇشىغا ھەيدەكچىلىك قىلىپ، مەسىلىنى ھەقىقىي توغرا تېپىپ، مەركەزلىك تۈزەشنى كۈچەيتىپ، قائىدە-تۈزۈم ئورنىتىشقا ئەھمىيەت بېرىپ، مەسئۇلىيەت، ۋەزىپىلەرنى چىڭىتىپ، ئۆگىنىش-تەربىيەدە تېخىمۇ پۇختا، تېخىمۇ كۆرۈنەرلىك نەتىجىلەرنى قولغا كەلتۈرۈشكە كاپالەتلىك قىلىشى كېرەك.
تەرجىمان: پاتىگۈل مۇھەممەت
سېلىشتۇرغۇچى: گۈزەلنۇر روزى
