باش بەت>>خەۋەر مەركىزى>>دۇنياغا نەزەر
جۇڭگونىڭ ئاپپارات ئىسلاھاتى دەۋر ئېقىمىغا ماس كېلىدۇ
مەنبەسى:جۇڭگو ئۇيغۇرچە رادىيو تورى |تەھرىر:پاتىگۈل مۇھەممەت | يوللانغان ۋاقىت:2013-03-12 14:54:49

 

    دۆلەتلەر ئوتتۇرىسىدىكى رىقابەت ھەم ئىقتىساد، ھەربىي ئىشلار، پەن تېخنىكا قاتارلىق ساھەلەردە ھەم ھۆكۈمەتنى ئىدارە قىلىش ساھەسىدە ئىپادىلىنىدۇ. جۇڭگونىڭ يېڭى بىر نۆۋەتلىك ھۆكۈمەت ئاپپارات ئىسلاھاتىنىڭ مەقسىتى ھۆكۈمەت ئاپپاراتلىرىنى ئىخچاملاپ ھوقۇقنى قويۇۋېتىش، بازار ۋە جەمئىيەتنىڭ ھاياتى كۈچىنى ئاشۇرۇش، ئۆزگىرىۋاتقان دۆلەت ئەھۋالىغا ھۆرمەت قىلىش بولۇپ، يەر شارىنىڭ ھۆكۈمەتنى ئىدارە قىلىشنى سەرخىللاشتۇرۇش ئېقىمىغا ماس كېلىدۇ. 
    پۇل مۇئامىلە كىرزىسىدىن بۇيان، ياۋروپا، ئامېرىكىدىكى ئاساسلىق ئىقتىسادىي گەۋدىلەر نۇرغۇن ئۆزگىرىشلەرنى باشتىن كەچۈرۈپ، ئاپپارات ئىسلاھاتى ئارقىلىق ئىقتىسادنىڭ تەرەققىيات ئۇسۇلىدا بۇرۇلۇش ياساش ۋە ئەسلىگە كەلتۈرۈشنى ئىلگىرى سۈردى، بۇ بەزى چوڭ دۆلەتلەرنىڭ ھاكىمىيەت باشقۇرۇش تەپەككۇرىغا ئايلاندى، يۇقىرى ئۈنۈملۈك ھۆكۈمەت، تېخىمۇ ئاشكارا ھۆكۈمەت بىلەن كارخانا ئۆزئارا بىرلىشىش، تېخىمۇ ئەۋزەل مەبلەغ سېلىش مۇھىتى يارىتىش ھەققىدە ئالاقىدار دۆلەتلەر ئىسلاھات لايىھەلىرىنى تۈزۈشكە باشلىدى، دۆلەتلەر ئارىسىدىكى رىقابەت كۈنسېرى كەسكىنلەشتى. 
    ئامېرىكا زۇڭتۇڭى ئوباما 2011- يىلى سودا تارماقلىرىنى ئىسلاھ قىلىش لايىھەسىنى ئوتتۇرىغا قويغان ئىدى، ئىسلاھات لايىھەسىگە ئاساسەن ئوباما ھۆكۈمىتى سودىغا مەسئۇل ئالتە تارماقنى بىرلەشتۈرۈپ بىر يېڭى ئاپپارات قىلىپ قۇرۇپ، كارخانىلارغا بىرتۇتاش مۇلازىمەت قىلىشنى پىلانلىدى. 
    ئەنگلىيە ھۆكۈمىتى 2010-يىلى ھۆكۈمەتنىڭ ئاپپارات ئىسلاھاتى لايىھەسىنى ئوتتۇرىغا قويدى، شۇنىڭدىن كېيىنكى ئىككى يىلدا ئىككى قېتىم يېڭىلىدى، بۈگۈنكى كۈندە ئەنگلىيە كابېنتىدىكى سودا، مائارىپ، مەدەنىيەت، مۇھىت، سەھىيە، ئەدلىيە قاتارلىق ھەرقايسى تارماقلار يولغا قويۇش تەپسىلاتىنى چىقاردى، ھەرقايسى تارماقلار باسقۇچ خاراكتېرلىك نىشانلارنى تۈزۈپ ئىشلارنى ئاشكارا بېجىرىپ، ئاممىنىڭ نازارىتىنى قوبۇل قىلدى. 
    ئۇنىڭدىن باشقا رۇسىيە، ئاۋسترالىيە ، ئىتالىيە قاتارلىق دۆلەتلەرمۇ يېقىنقى يىللاردىن بۇيان ھۆكۈمەت ئاپپارات ئىسلاھاتىنى يولغا قويدى ياكى يولغا قويماقچى، تەھلىلچى ئەربابلار مۇنداق دەپ كۆرسەتتى: ھەرقايسى دۆلەتلەرنىڭ ئاپپارات ئىسلاھاتىنىڭ ئېلىپ بېرىلىش دەرىجىسى ئوخشىمايدۇ، ئەمما ئىسلاھاتنىڭ يۆنىلىشى دەۋر ئېقىمىغا ماس كېلىدىغان بولۇپ، بۇلارنىڭ ھەممىسىدە ھۆكۈمەتنى يۇقىرى ئۈنۈملۈك، پاك، كۆلىمى مۇۋاپىق، قانۇنلاشقان يۆنىلىشكە بۇراش ئىلگىرى سۈرۈلدى. 
    ئىسلاھات ئېلىپ بېرىلغان، ئىشىك ئېچىۋېتىلگەندىن بۇيان، جۇڭگو جەمئىي ئالتە قېتىم بىرقەدەر زور كۆلەملىك ھۆكۈمەت ئاپپارات ئىسلاھاتى ئېلىپ باردى، نۆۋەتتە 7- قېتىملىق ئاپپارات ئىسلاھاتى باشلاندى، ئىلگىرىكى ئىسلاھاتلارنى قايتا ئەسلەيدىغان بولساق بىرقانچە قېتىملىق ئاپپارات ئىسلاھاتىنىڭ ئىسلاھات، ئېچىۋېتىشنىڭ مۇھىم ئۆتكىلىگە دەل كەلگەنلىكى، خەلقئارالىق ئىستراتېگىيەلىك ۋەزىيەتنىڭ ئۆزگىرىشى، دۆلەت ئىچىدە كەسىپ قۇرۇلمىسىنى تەڭشەش، بازار ئىگىلىكى بەرپا قىلىش، دۇنيا سودا تەشكىلاتىغا كىرىش قاتارلىق مۇھىم ئىشلار بىلەن تەڭ قەدەمدە ئېلىپ بېرىلغانلىقىنى كۆرۈۋېلىش قىيىن ئەمەس. 
    شۇنى كۆرۈشىمىز كېرەككى، تارماقلار سانىنىڭ كۆپىيىشى ياكى ئازىيىشى، تەشكىللىنىشتىكى ئۆزگىرىش تەسەۋۋۇرىدا دەۋر ئېقىمىغا ماسلىشىش، بازار قانۇنىيىتىگە ھۆرمەت قىلىش، مەمۇرىي ئۈنۈمنى ئاشۇرۇش جۇڭگونىڭ ئاپپارات ئىسلاھاتىنىڭ مۇھىم ئالاھىدىلىكى، ھۆكۈمەت فۇنكسىيەسىنى ئۆزگەرتىشنى ئىلگىرى سۈرۈپ، ئىقتىسادىي تەرەققىياتقا تېخىمۇ ياخشى مۇلازىمەت قىلىپ، خەلق تۇرمۇشىنى تېخىمۇ ياخشىلاش بۇ ئاپپارات ئىسلاھاتىدىكى مۇھىم لىنىيە.
جۇڭگونىڭ بۇ قېتىمقى ئاپپارات ئىسلاھاتىنىڭ ئارقا كۆرۈنىشى دۇنيانىڭ، دۆلەتنىڭ ئەھۋالىدىكى چوڭقۇر ئۆزگىرىشتىن كەلگەن، بۇ ئىقتىسادىي قۇرۇلمىنى تەڭشەش، تەرەققىيات ئۇسۇلىدا بۇرۇلۇش ياساشنىڭ مۇقەررەر تەلىپى. نۆۋەتتە ئىسلاھات ئۆتكەلگە ھۇجۇم قىلىش باسقۇچىغا كىردى، جۇڭگو تەرەققىيات پۇرسىتىنى چىڭ تۇتۇپ خېيىم خەتەر ۋە خىرىسقا ئۈنۈملۈك تاقابىل تۇرۇشتا يۇقىرى قاتلاملىق لايىھەنى مۇكەممەللەشتۈرۈپ، ھۆكۈمەت ئاپپاراتلىرىنىڭ فۇنكسىيەسىنى ئۆزگەرتىشنى ئىلگىرى سۈرۈپ، ھۆكۈمەتنىڭ ھوقۇق ئوربىتىسىنىڭ دائىرىدىن ئېشىپ كەتمەسلىك، خاتا بولۇپ قالماسلىق، بوش قالماسلىقىغا كاپالەتلىك قىلىپ، تەستىقلاش خاراكتېرىدىكى ھۆكۈمەتتىن مۇلازىمەت خاراكتېرىدىكى ھۆكۈمەتكە قاراپ بۇرۇلۇش ياساشنى ئىشقا ئاشۇرۇش لازىم. 
    ئاپپارات ئىسلاھاتى ۋە فۇنكسىيەدە بۇرۇلۇش ياساشتىن كەلگەن يېڭى مەنپەئەت جۇڭگونىڭ يۇمشاق ئەمەلىي كۈچىنى، رىقابەت كۈچىنى، جەلپ قىلىش كۈچىنى ئاشۇرۇشقا پايدىلىق بولۇپ، ئىقتىسادنىڭ تەرەققىيات ئۇسۇلىدا بۇرۇلۇش ياساش، جۇڭگو ئىقتىسادىنىڭ تەڭپۇڭ، ئىمكانىيەتلىك، سىجىل ئېشىشىغا مەدەت بېرىشنى ئىلگىرى سۈرىدۇ.


ئالدىنقىسى
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق