باش بەت>>خەۋەر مەركىزى>>دۇنياغا نەزەر
ئامېرىكا ئىتتىپاقداشلىرىدىن رۇسىيەگە بولغان ھاۋا تەۋەلىكىنى تاقىشىنى تەلەپ قىلدى
مەنبەسى:جۇڭگو ئۇيغۇرچە رادىيو تورى |تەھرىر:ئابدۇللا موللا | يوللانغان ۋاقىت:2015-09-10 17:28:27

 

قەدىرلىك دوستلار، گېرمانىيە تېلېگراف سىياسىي تورى 9-سېنتەبىر سۇرىيە ئامېرىكا-رۇسىيە توقۇنۇش مەزگىلىگە كىردى، ئامېرىكا رۇسىيەنىڭ سۇرىيەگە ھەربىي ئارىلىشىشى ھەربىي قارشىلىشىش خەتىرىنى پەيدا قىلىشى مۇمكىن دەپ يەنە بىر قېتىم ئاگاھلاندۇردى دېدى. ئامېرىكا ئاقسارىيى، دۆلەت ئىشلىرى مەھكىمىسى ۋە بەش بۇرجەكلىك بىنا 8-سېنتەبىر رۇسىيەنىڭ سۇرىيەگە ھەربىي ئارىلىشىشى ھەققىدىكى خەۋەرلەرگە قاتتىق ئىپادە بىلدۈردى. فىرانسىيە ئاگېنتلىقىنىڭ خەۋىرىگە قارىغاندا، ئاقسارايدىكى مۇخبىرلار يىغىنىدا، ئاقساراينىڭ باياناتچىسى ئونىست ئامېرىكا رۇسىيەنىڭ سۇرىيەگە ھەربىي ۋە ھەربىي ئايروپىلان ئورۇنلاشتۇرۇش مۇمكىنچىلىكىگە ئالاقىدار خەۋەرلەردىن ئەندىشە قىلىدۇ دېگەن. ئۇ ئۇزۇندىن بۇيان، بىز مەيلى ئاشكارا ياكى يوشۇرۇن بولسۇن، رۇسىيەنىڭ ئالاقىدار ھەرىكىتى سۇرىيە ۋەزىيىتىنى يەنىمۇ يامانلاشتۇرۇۋېتىدۇ، بۇ ھەرىكەتلەر تېخىمۇ كۆپ ئادەمنىڭ جېنىغا زامىن بولۇپ، مۇساپىرلار دولقۇنىنى يەنىمۇ كۆپەيتىۋېتىدۇ، ھەتتا سۇرىيەدە ئۇرۇش قىلىۋاتقان ئىسلام دۆلىتى تەشكىلاتىغا قارشى ئامېرىكا ئارمىيەسى ۋە ئىتتىپاقداشلىرى بىلەن ھەربىي قارشىلىشىش خەتىرىنى پەيدا قىلىدۇ دېدى. فىرانسىيە ئاگېنتلىقى ئىسلام دۆلىتىگە زەربە بەرگەن بىر يىلدىن ئارتۇق ۋاقىت ئىچىدە، ئامېرىكا رەھبەرلىكىدىكى بىرلەشمە ئارمىيە 50 مىڭ قېتىم ئايروپىلان چىقىرىپ ھاۋادىن ھۇجۇم قىلدى، لېكىن ئىسلام دۆلىتىنىڭ كېڭىيىشىنى ئۈنۈملۈك توسۇپ قالالمىدى دېدى.

ئامېرىكا ئاغزاكى ئاگاھلاندۇرۇشتىن سىرت، يەنە رۇسىينىڭ سۇرىيەدىكى ھەرىكىتىنى تەدبىر قوللىنىپ توستى. رېيتىر ئاگېنتلىقىنىڭ خەۋىرىگە قارىغاندا، 8-سېنتەبىر شىمالىي ئاتلانتىك ئەھدى تەشكىلاتىنىڭ ئەزاسى بۇلغارىيە رۇسىيە ئايروپىلانلىرىنىڭ بۇلغارىيە ھاۋا تەۋەلىكىدىن ئۇچۇپ ئۆتۈش ئىلتىماسىنى رەت قىلغانلىقىنى ئىسپاتلاپ، 1-سېنتەبىردىن 24-سېنتەبىرگىچە رۇسىيەنىڭ سۇرىيەگە بېرىدىغان ئىنسانپەرۋەرلىك ياردىمى ئەشيالىرى بېسىلغان ئايروپىلانلارنىڭ بۇلغارىيە ھاۋا تەۋەلىكىدىن ئۆتۈشىنى چەكلەشنى قارار قىلغان. گىرېتسىيەمۇ ئوخشاش تەدبىر قوللانغان. گىرېتسىيە دىپلوماتىيە مىنىستىرلىقى ئاشكارا ھالدا ۋاشىنگتون بىزدىن مۇشۇنداق قىلىشنى تەلەپ قىلدى دېگەن. رۇسىيە گىرېتسىيە ۋە بۇلغارىيەدىن بۇنىڭغا ئىزاھات بېرىشنى تەلەپ قىلغان. رۇسىيەنىڭ مۇئاۋىن دىپلوماتىيە مىنىستىرى بوگدانوۋ 8-سېنتەبىر خەلقئارا تېلېگراف ئاگېنتلىقى ئارقىلىق سۆز قىلىپ، ئەگەر بىزنىڭ شېرىكلىرىمىز گىرېتسىيە بىلەن بۇلغارىيەنىڭ بۇ ئىشتا ھەر قانداق گۇمانى بولسا، ئۇلار بۇ گۇماننىڭ زادى نېمە ئىكەنلىكىنى چۈشەندۈرۈشى كېرەك. لېكىن بۇ ئىش ئامېرىكىنىڭ تەلىپى ئارقىسىدا، رۇسىيەگە قارىتىلغان چەكلەش ياكى توسۇش تەدبىرى بولسا، ئۇنداقتا بۇ-ئۇلارنىڭ مۇستەقىل قارار چىقىرىدىغان ئىگىلىك ھوقۇقىغا ئىگە ياكى ئەمەسلىكىدە يەنىلا مەسىلە بارلىقىنى كۆرسىتىپ بېرىدۇ دېدى. ئۇ يەنە ئىزاھات بېرىپ، رۇسىيەنىڭ سۇرىيەگە توشۇغىنى ئىنسانپەرۋەرلىك ياردىمى ئەشيالىرى دېدى.

رۇسىيە ئېتىراز بىلدۈرگەندىن كېيىن، بۇلغارىيەنىڭ دىپلوماتىيە مىنىستىرى مىتوۋ 9-سېنتەبىر ئەگەر رۇسىيە سۇرىيەگە توشۇيدىغان ئەشيالارنى بۇلغارىيە ئايرودۇرۇمىدا تەكشۈرۈشكە قوشۇلسا، ئۇنداقتا بىز رۇسىيە تىرانسپورت ئايروپىلانلىرىنىڭ دۆلىتىمىز ھاۋا تەۋەلىكىدىن ئۆتۈشىگە رۇخسەت قىلىمىز دېدى. رۇسىيە زۇڭتۇڭى ئاخبارات ئىدارىسىنىڭ كاتىپى پىسكوۋ 9-سېنتەبىر رۇسىيە زاپاس لىنىيە ئارقىلىق ئىنسانپەرۋەرلىك ياردىمى ئەشيالىرىنى توشۇسا بولىدۇ دېدى. رۇسىيە تاسىس ئاگېنتلىقى 9-سېنتەبىر رۇسىيەنىڭ ئىراندىكى باش ئەلچىخانىسى ئەمەلدارىنىڭ سۆزىنى نەقىل كەلتۈرۈپ، ئىران رۇسىيەنىڭ سۇرىيەگە توشۇيدىغان ئىنسانپەرۋەرلىك ياردىمى ئەشيالىرىنى ئۆزىنىڭ ھاۋا تەۋەلىكىدىن ئېلىپ مېڭشقا قوشۇلدى دېدى.

 

ھەمبەھىرلەش
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق