مىللەتلەر ئەدەبىياتى ژۇرنىلىنىڭ يازغۇچى-تەرجىمانلاركۇرسى ئېچىلدى
0
2019-04-01 18:36:00
|
مەنبەسى:جۇڭگو ئۇيغۇرچە رادىيو تورى
|
تەھرىر :مېھرىگۈل

«مىللەتلەر ئەدەبىياتى» ژۇرنىلى تەھرىراتى ئۇيۇشتۇرغان ئۇيغۇرچە «مىللەتلەر ئەدەبىياتى» ژۇرنىلىنىڭ 2019-يىللىق يازغۇچى-تەرجىمانلارنى تەربىيەلەش كۇرسىنىڭ ئېچىلىش مۇراسىمى 24-مارت بېيجىڭدا ئۆتكۈزۈلدى. بۇ قېتىملىق كۇرسنىڭ ئېچىلىش مۇراسىمىغا جۇڭگو يازغۇچىلار جەمئىيىتى پارتگۇرۇپپىسىنىڭ ئەزاسى، مۇئاۋىن رەئىسى، شۇجىچۇسىنىڭ شۇجىسى يەن جىڭمىڭ، «مىللەتلەر ئەدەبىياتى» ژۇرنىلىنىڭ باش مۇھەررىرى شى يىنىڭ، جۇڭگو مىللەتلەر تىل-يېزىق تەرجىمە ئىدارىسى پارتكومىنىڭ شۇجىسى لەن جىچى، شىنجاڭ ئۇيغۇر ئاپتونوم رايونلۇق مىللەتلەر تىل-يېزىق تەرجىمە ئىدارىسىنىڭ سابىق باشلىقى تەلئەت ئىبراھىم، مەركىزىي مىللەتلەر داشۆسى ئۇيغۇر تىل-ئەدەبىياتى فاكۇلتېتىنىڭ مۇدىرى، پروفېسسور ئەركىن ئارىز قاتارلىقلار قاتناشتى. ئېچىلىش مۇراسىمىغا «مىللەتلەر ئەدەبىياتى» ژۇرنىلىنىڭ مۇئاۋىن باش مۇھەررىرى چېن ياجۈن رىياسەتچىلىك قىلدى.

ئىگىلىنىشىچە، ئۇيغۇرچە «مىللەتلەر ئەدەبىياتى» ژۇرنىلى 2009-يىلى نەشر قىلىنغاندىن بۇيان، 700 پارچە (يۈرۈش) دىن ئارتۇق تەرجىمە ئەسەر، 130 پارچە (يۈرۈش) دىن ئارتۇق ئانا تىلدىكى ئەسەرنى ئېلان قىلغان، 160 دىن ئارتۇق تەرجىماننى تەرجىمىگە قاتناشتۇرۇپ، 60 تىن ئارتۇق ئوتتۇرا-ياش تەرجىماننى يېتىشتۈرۈپ چىققان. يېقىنقى يىللاردىن بۇيان، ئۇيغۇرچە «مىللەتلەر ئەدەبىياتى» ژۇرنىلى ساغلام، مۇقىم تەرەققىي قىلدى ھەمدە كەڭ ئوقۇرمەنلەرنىڭ ئېتراپ قىلىشى ۋە ياخشى باھاسىغا ئېرىشتى.

بۇ قېتىملىق بەش كۈنلۈك كۇرسقا 20 دىن ئارتۇق ئۇيغۇر يازغۇچى، تەرجىمان قاتناشتى. كۇرسنىڭ ئەدەبىيات ۋە تەرجىمىگە ئائىت دەرسلىرى ئۇيغۇرچە ئەدەبىي ئەسەر ئىجادىيىتى ھەمدە تەرجىمە تەلىپىگە ئاساسەن ئىنچىكا لايىھەلەنگەن ۋە ئورۇنلاشتۇرۇلغان بولۇپ، باۋ مىڭدې، تەلئەت ئىبراھىم، ئەركىن ئارىز قاتارلىق ئاتاقلىق ئالىم، مۇتەخەسسىسلەر كۇرسانتلارغا دەرس سۆزلەپ بەردى، شۇنداقلا كۇرسانتلارغا سۆھبەت، ئىلمىي مۇھاكىمە يىغىنى ۋە ئەدەبىيات ئەمەلىيىتى پائالىيىتى ئورۇنلاشتۇرۇپ بېرىلدى.

 

未标题-1.jpg
640.webp-(14).jpg
0.jpg
مىللەتلەر ئەدەبىياتى ژۇرنىلىنىڭ يازغۇچى-تەرجىمانلاركۇرسى ئېچىلدى
1124275911_15534497154291n.jpg