شى جىنپىڭ شەرق ئىقتىساد مۇنبىرىنىڭ ئومۇمىي يىغىنىدا سۆز قىلدى
0
2018-09-14 17:48:00
|
مەنبەسى:جۇڭگو ئۇيغۇرچە رادىيو تورى
|
تەھرىر :ئابدۇللا موللا

جۇڭگو ئۇيغۇرچە رادىيو تورى 14-سېنتەبىر بېيجىڭ خەۋىرى:

4-نۆۋەتلىك شەرق ئىقتىساد مۇنبىرى ئومۇمىي يىغىنى تۈنۈگۈن ۋىلادىۋىستوك شەھىرىدە ئېچىلدى. جۇڭگونىڭ دۆلەت رەئىسى شى جىنپىڭ، رۇسىيە زۇڭتۇڭى پۇتىن، موڭغۇلىيە زۇڭتۇڭى باتتۇلگا، ياپونىيەنىڭ باش ۋەزىرى ئابې شېنزو، كورىيە زۇڭلىسى لى ناكيون قاتارلىقلار قاتناشتى.

شى جىنپىڭ «يىراق شەرق تەرەققىياتىنىڭ يېڭى پۇرسىتىدىن تەڭ بەھرىمەن بولۇپ، شەرقىي شىمالىي ئاسىيانىڭ گۈزەل يېڭى كەلگۈسىنى بەرپا قىلايلى» دېگەن تېمىدا سۆز قىلىپ، جۇڭگو رايون دۆلەتلىرى بىلەن بىرلىكتە، رايوننىڭ تىنچلىقى، ئامانلىقىنى قوغداپ، ھەر قايسى دۆلەتلەرنىڭ ئۆز ئارا نەپ يەتكۈزۈپ، تەڭ ئۇتۇق قازىنىشىنى ئىشقا ئاشۇرۇپ، خەلق ئەنئەنىۋى دوستلۇقىنى مۇستەھكەملەپ، ھەر تەرەپلىمە تەڭكەش تەرەققىي قىلىپ، بۇ رايوننىڭ تىنچلىقى، مۇقىملىقى ۋە تەرەققىي قىلىپ گۈللىنىشىنى ئىلگىرى سۈرۈشنى خالايدۇ دەپ تەكىتلىدى.

شى جىنپىڭ مۇنداق دەپ كۆرسەتتى: زۇڭتۇڭ پۇتىننىڭ شەخسەن تەشەببۇسى ئاستىدا، شەرق ئىقتىساد مۇنبىرى ئۈچ نۆۋەت مۇۋەپپەقىيەتلىك ئۆتكۈزۈلۈپ، ھەر قايسى تەرەپلەرنىڭ ئەقىل-پاراسىتى مۇجەسسەملەنگەن، ھەمكارلىق ئۈستىدە تەڭ كېڭىشىدىغان مۇھىم سەھنىگە ئايلاندى. جۇڭگو رۇسىيەنىڭ يىراق شەرق ھەمكارلىقىنىڭ ئاكتىپ قوللىغۇچىسى ۋە قاتناشقۇچىسى بولۇپ كەلدى. ئىككى تەرەپ ھەمكارلىقىنىڭ رايون ئەۋزەللىكى ئۆزگىچە، سىياسىي ئاساسىي پۇختا، سىياسەت كاپالىتى كۈچلۈك، مېخانىزمى مۇكەممەل، يۇقىرى ئۈنۈملۈك. ئىككى تەرەپنىڭ تەڭ تېرىشىشى ئارقىسىدا، يېقىنقى يىللاردىن بۇيان، جۇڭگونىڭ رۇسىيەنىڭ يىراق شەرق ھەمكارلىقىغا قاتنىشىش نەتىجىسى كۆرۈنەرلىك بولدى. بۇ يىل ۋە كېلەر يىلى-زۇڭتۇڭ پۇتىن ئىككىمىز بېكىتكەن جۇڭگو-رۇسىيە يەرلىك ھەمكارلىقىنىڭ ئالماشتۇرۇشى يىلى، بۇ-ئىككى تەرەپنىڭ يىراق شەرق ھەمكارلىقىغا تېخىمۇ كەڭ بوشلۇق ئېچىپ بەردى. جۇڭگو رۇسىيە بىلەن بىرلىكتە تېرىشىپ، ئۆز ئەۋزەللىكلىرى ئارقىلىق كەم جايلىرىنى تولۇقلاپ، ئۆز ئارا نەپ يەتكۈزۈپ تەڭ ئۇتۇق قازىنىپ، جۇڭگو-رۇسىيە يىراق شەرق ھەمكارلىقىغا تۈرتكە بولۇشتا تېخىمۇ كۆپ نەتىجىلەرنى قولغا كەلتۈرۈشنى خالايدۇ.

شى جىنپىڭ مۇنۇلارنى تەكىتلىدى: يېڭى ۋەزىيەتتە، بىز بىرلىكتە تېرىشىپ، ھەمكارلىقنى كۈچەيتىشىمىز كېرەك. 1-ئۆز ئارا ئىشىنىشنى چوڭقۇرلاشتۇرۇپ، رايوننىڭ تىنچلىقى، ئامانلىقىنى قوغدىساق. ئىناق، ئۆز ئارا ئىشىنىدىغان، ئىتتىپاق، مۇقىم بولغان شەرقىي شىمالىي ئاسىيا-ھەر قايسى دۆلەتلەرنىڭ مەنپەئەتى ۋە خەلقئارا جەمئىيەتنىڭ ئارزۇسىغا ئۇيغۇن. جۇڭگو باشتىن-ئاخىر تېرىشىپ ئىناق، دوستانە ئەتراپ مۇھىتى يارىتىپ، رايون ھەمكارلىقىغا ئىجابىي پوزىتسىيە بىلەن قاتنىشىپ، رايوندىكى ھەر قايسى دۆلەتلەرنىڭ ئالماشتۇرۇش، سۆزلىشىشىنى ئىلگىرى سۈرۈشكە كۈچ چىقىرىدۇ، ھەر قايسى تەرەپلەر بىلەن بىرلىكتە، شەرقىي شىمالىي ئاسىيانىڭ ئۇزۇن مۇددەتلىك تىنچلىقى، ئامانلىقىنى قوغداشنىڭ ئۈنۈملۈك يولى ئۈستىدە داۋاملىق ئىزدىنىپ، بۇ رايوننىڭ تىنچلىقى، مۇقىملىقى، تەرەققىياتىنى ئىشقا ئاشۇرۇش ئۈچۈن بوشاشماي تېرىشىشنى خالايدۇ.

2-ھەمكارلىقنى چوڭقۇرلاشتۇرۇپ، ھەر قايسى دۆلەتلەرنىڭ ئۆز ئارا نەپ يەتكۈزۈپ، تەڭ ئۇتۇق قازىنىشىنى ئىشقا ئاشۇرساق. تەرەققىيات ئىستراتېگىيەسىنى تۇتاشتۇرۇشنى پائال قانات يايدۇرۇپ، سىياسەت ئالاقىسى ۋە ماسلاشتۇرۇشنى كۈچەيتىپ، ھەمكارلىقنىڭ چوڭ يۆنىلىشىنى ئىگىلەش لازىم. بىز چېگرا ھالقىغان ئۇل ئەسلىھە ئالاقىسىنى راۋانلاشتۇرۇش، سودا ۋە مەبلەغ سېلىشنى ئەركىنلەشتۈرۈش، قولايلاشتۇرۇش سەۋىيەسىنى نۇقتىلىق ئۆستۈرۈپ، ئوچۇق رايون ئىقتىسادىنى بىرلىكتە بەرپا قىلىشىمىز؛ كىچىك كۆپ تەرەپلىك ھەمكارلىق، ئىككىلەمچى رايون ھەمكارلىقىنى كۈچلۈك ئىلگىرى سۈرۈپ، تېخىمۇ كۆپ ئەمەلىي تۈرلەرنى ئەمەلىيلەشتۈرۈپ يولغا قويۇشقا تۈرتكە بولۇپ، رايون خەلقىگە تېخىمۇ كۆپ نەپ يەتكۈزۈشىمىز كېرەك.

3-ئۆز ئارا ئۆگىنىپ، ئۆز ئارا ئەينەك قىلىپ، خەلقنىڭ ئەنئەنىۋى دوستلۇقىنى پۇختىلىساق. ئالماشتۇرۇش يوللىرىنى كېڭەيتىپ، ھەمكارلىق شەكلىنى يېڭىلاپ، ھەر قايسى دۆلەتلەر، ھەر قايسى ياش باسقۇچىدىكى ئاممىنىڭ ئالماشتۇرۇشىغا تېرىشىپ قولايلىق يارىتىپ، سەھنە ھازىرلاپ بېرىش لازىم.

4-يىراققا نەزەر سېلىپ، ھەر تەرەپلىمە تەڭكەش تەرەققىياتنى ئىشقا ئاشۇرساق. شەرقىي شىمالىي ئاسىيا رايونىنى تەڭكەش تەرەققىي قىلدۇرۇشنىڭ يېڭى ئەندىزىسىنى ئورنىتىش ئۈستىدە پائال ئىزدىنىپ، پەن-تېخنىكىدا يېڭىلىق يارىتىشنى تېزلىتىپ، تەرەققىيات قارىشىدا بۇرۇلۇش ياساپ، مۇھىتنى ئۇنىۋېرسال تۈزەشنى كۈچەيتىپ، بايلىق تېجەيدىغان، مۇھىت ئاسرايدىغان كەسىپ ئەندىزىسى ۋە تۇرمۇش ئۇسۇلىنى شەكىللەندۈرۈپ، ئورتاق دۇچ كەلگەن رايون خاراكتېرلىك مۇھىت مەسىلىسىگە بىرلىكتە تاقابىل تۇرۇش كېرەك.

شى جىنپىڭ مۇنۇلارنى تەكىتلىدى: جۇڭگو رايون دۆلەتلىرى بىلەن بىرلىكتە، تارىخىي پۇرسەتنى داۋاملىق چىڭ تۇتۇپ، دەۋر ئېقىمىغا ئۇيغۇنلىشىپ، رۇسىيەنىڭ يىراق شەرقى بىلەن شەرقىي شىمالىي ئاسىيا رايونىنىڭ ھەمكارلىقىنى كۈچەيتىپ، بۇ رايوننىڭ كۆپ مەنبەلىشىشى، ئىمكانىيەتلىك سىجىل تەرەققىياتىغا تۈرتكە بولۇپ، ئورتاق مەنپەئەت تورتىنى داۋاملىق زورايتىپ، بۇ رايون خەلقىنى ھەمكارلىق پۇرسىتى ۋە تەرەققىيات نەتىجىلىرىدىن تەڭ بەھرىمەن قىلدۇرۇپ، يىراق شەرق بىلەن شەرقىي شىمالىي ئاسىيانىڭ تېخىمۇ گۈزەل كەلگۈسىنى بىرلىكتە يارىتىشنى خالايدۇ.

پۇتىن رەئىس شى جىنپىڭ ۋە ئالاقىدار دۆلەتلەر رەھبەرلىرىنىڭ 4-نۆۋەتلىك شەرق ئىقتىساد مۇنبىرىگە قاتناشقانلىقىغا رەھمەت ئېيتتى، رۇسىيە بىلەن جۇڭگونىڭ رۇسىيە يىراق شەرق رايونىدىكى ھەمكارلىق تەرەققىياتىنىڭ ياخشى باشلانغانلىقىنى ماختىدى. پۇتىن مۇنداق دېدى: يىراق شەرق-رۇسىيە تەرەققىياتىنىڭ ئالدىنقى يۆنىلىشى. نۆۋەتتە، يىراق شەرق رايونى ئىقتىسادىنىڭ ئېشىشى، چەتئەل مەبلىغىنى جەلپ قىلىش سۈرئىتى پۈتۈن رۇسىيەنىڭ ئوتتۇرىچە سەۋىيەسىدىن ئېشىپ كەتتى. يىراق شەرقنىڭ تەرەققىياتى-ئېچىۋېتىلگەن تەرەققىيات، رۇسىيە ھۆكۈمىتى ھەر قايسى دۆلەت كارخانىلىرىنىڭ بۇ يەرگە كېلىپ مەبلەغ سېلىپ گۈللىنىپ، يىراق شەرقنىڭ تەرەققىيات پۇرسىتىدىن تەڭ بەھرىمەن بولۇشىنى قارشى ئالىدۇ. رۇسىيە رايوندىكى ھەر قايسى تەرەپلەر بىلەن بولغان ئەمەلىي ھەمكارلىقنى چوڭقۇرلاشتۇرۇپ، ئۆز ئارا نەپ يەتكۈزۈپ تەڭ ئۇتۇق قازىنىپ، شەرقىي شىمالىي ئاسىيا رايونى ھەمكارلىقىغا تۈرتكە بولۇشتا تېخىمۇ مول نەتىجىلەرنى قولغا كەلتۈرۈشنى خالايدۇ. يىغىنغا قاتناشقان باشقا رەھبەرلەر مۇنداق دېدى: رۇسىيە يىراق شەرق رايونىنى ئېچىشنىڭ ئۈنۈمى كۆرۈنەرلىك بولدى. ھەر قايسى تەرەپلەر يىراق شەرق رايونىنى ئېچىشقا ئاكتىپ قاتنىشىش ھەم شەرقىي شىمالىي ئاسىيا رايونىنىڭ ھەمكارلىقىنى بىرلىكتە ئىلگىرى سۈرۈپ، ھەر قايسى دۆلەت خەلقىگە بەخت يارىتىشنى خالايدۇ.

شى جىنپىڭ ئۆز ئارا پىكىر ئالماشتۇرۇش جەريانىدا، يەنە بىر بەلباغ، بىر يولنى بىرلىكتە قۇرۇش، چاۋشيەن يېرىم ئارىلى ۋەزىيىتى قاتارلىق مەسىلىلەر ھەققىدە ئومۇمىي يىغىن رىياسەتچىسىنىڭ سورىغان سوئاللىرىغا جاۋاب بەردى.

ئومۇمىي يىغىندىن كېيىن، يىغىنغا قاتناشقان ھەر قايسى دۆلەت رەھبەرلىرى 3-نۆۋەتلىك «يىراق شەرق لوڭقىسى» خەلقئارا يەلكەنلىك كېمە مۇسابىقىسى تۇنجى مۇسابىقە باسقۇچىنىڭ مۇكاپات تارقىتىش مۇراسىمىغا بىرلىكتە قاتناشتى.


监制:库尔班妮莎
审稿:古丽巴哈
翻译:阿布都拉

12.jpg
1.jpg
微信图片_2.jpg
1123396771_1536314358909_title0h.jpg