باش بەت>>خەۋەر مەركىزى>>مۇھىم خەۋەرلەر
لى كېچياڭ گېرمانىيە زوڭلىسى مېرىكىل بىلەن كۆرۈشتى
مەنبەسى:جۇڭگو ئۇيغۇرچە رادىيو تورى |تەھرىر:ئادىل ئابلەت | يوللانغان ۋاقىت:2014-07-07 16:24:43

جۇڭگو ئۇيغۇرچە رادىيو تورى 7-ئىيۇل بېيجىڭ خەۋىرى:

گوۋۇيۈەن زوڭلىسى لى كېچياڭ 6-ئىيۇل چۈشتىن كېيىن دىياۋيۈتەي مېھمانخانىسىدا جۇڭگودا رەسمىي زىيارەتتە بولۇۋاتقان گېرمانىيە زوڭلىسى مېرىكىل بىلەن كۆرۈشتى.لى كېچياڭ مېرىكىلنىڭ يەنە بىر قېتىم گېرمانىيە زوڭلىسى بولغاندىن كېيىن تۇنجى قېتىم جۇڭگودا زىيارەتتە بولغانلىقىنى قارشى ئالىدىغانلىقىنى بىلدۈردى.لى كېچياڭ مۇنداق دېدى: گېرمانىيە جۇڭگونىڭ مۇھىم ھەمكارلىق شېرىكى ، نۆۋەتتە ئىككى دۆلەت مۇناسىۋىتى يۇقىرى سەۋىيىدە ئۈزلۈكسىز تەرەققىي قىلماقتا. بۇ يىل 3-ئايدا رەئىس شى جىنپىڭنىڭ گېرمانىيىدىكى زىيارىتى مۇۋەپپەقىيەتلىك بولۇپ، گېرمانىيە رەھبەرلىرى بىلەن ئىككى تەرەپلىك مۇناسىۋەت ۋە ھەمكارلىقىنى چوڭقۇرلاشتۇرۇش ئۈستىدە مۇھىم ئورتاق تونۇش ھاسىل قىلدى.جۇڭگو گېرمانىيە بىلەن بىرلىكتە تىرىشچانلىق كۆرسىتىپ، ئىككى دۆلەتنىڭ كۆپ تەرەپلىك ئىستراتېگىيىلىك شېرىكلىك مۇناسىۋىتىنىڭ ساغلام راۋاجلىنىشىغا تۈرتكە بولۇشنى خالايدۇ.

لى كېچياڭ مۇنۇلارنى بىلدۈردى: سىز يېقىندىلا چېڭدۇدا زىيارەتتە بولدىڭىز، بۇ زىيارىتىڭىز جۇڭگونىڭ غەربىي رايونىنىڭ گېرمانىيە بىلەن بولغان دوستلۇق ھەمكارلىق مۇناسىۋىتىنى يەنىمۇ كۈچەيتىشكە ياردەم بېرىدىغانلىقىغا ئىشىنىمەن. مەن سىز بىلەن رەسمىي سۆھبەتلىشىپ، ئىككى دۆلەتنىڭ سىياسىي جەھەتتە بىر بىرىگە ئىشىنىشىنى ئىلگىرى سۈرۈش؛ ئىقتىساد سودا، پۇل مۇئامىلە، ئىمكانىيەتلىك سىجىل تەرەققىيات، ئادىمىيەت قاتارلىق ساھەلەردىكى ئۆز ئارا پايدا يەتكۈزۈش ئاساسىدىكى ھەمكارلىقنى چوڭقۇرلاشتۇرۇش؛ زور خەلقئارا، رايون ئىشلىرىدىكى ئالاقە ۋە ماسلىشىشىنى كۈچەيتىپ، ئىككى دۆلەت مۇناسىۋىتىنى راۋاجلاندۇرۇپ، ئىككى دۆلەت خەلقىگە تېخىمۇ ياخشى بەخت يارىتىشنى كۈتمەكتىمەن.

لى كېچياڭ مۇنداق دەپ كۆرسەتتى: جۇڭگو تەرەققىياتنى باشتىن ئاخىر بىرىنچى مۇھىم ۋەزىپە، خەلق تۇرمۇشىنى ياخشىلاشنى ئالدىن تاللايدىغان يۆنىلىش قىلىدۇ.بىزنىڭ تەرەققىي قىلىشىمىز تىنچ مۇقىم بولغان خەلقئارا مۇھىتقا موھتاج .تارىخنى ئەينەك قىلىش كەلگۈسىگە تېخىمۇ ياخشى نەزەر سېلىشىمىز، تىنچلىقنى تېخىمۇ قەدىرلىشىمىزگە ياردەم بېرىدۇ. جۇڭگو تىنچ تەرەققىيات يولىدا قىلچە تەۋرەنمەيدۇ. گېرمانىيىنى ئۆز ئىچىگە ئالغان ھەر قايسى دۆلەتلەر بىلەن بىرلىكتە، ئەبەدىي تىنچ ، ئورتاق گۈللەنگەن دۇنيا بەرپا قىلىش ئۈچۈن بوشاشماي تىرىشچانلىق كۆرسىتىدۇ.

مېرىكىل مۇنۇلارنى بىلدۈردى: گېرمانىيە جۇڭگو مۇناسىۋىتى ئىنتايىن مۇھىم. ئىككى دۆلەتنىڭ ھەمكارلىقنى كۈچەيتىشى ئىككى تەرەپكە پايدىلىق بولۇپلا قالماستىن، دۇنياغىمۇ ئىجابىي تەسىر كۆرسىتىدۇ. ئەمدىلا ئاياغلاشقان چېڭدۇغا قىلغان سەپىرىم مەندە چوڭقۇر تەسىر قالدۇردى. جۇڭگو قولغا كەلتۈرگەن غايەت زور تەرەققىيات مۇۋەپپەقىيەتلىرى كىشىنى ئىلھاملاندۇرىدۇ. گېرمانىيە جۇڭگو بىلەن بىرلىكتە ھەر قايسى ساھەلەردىكى ھەمكارلىقىنى يەنىمۇ چوڭقۇرلاشتۇرۇپ، خەلقئارا ۋە رايون ئىشلىرىدا قويۇق ئالاقە ۋە ماسلىشىشىنى ساقلاپ، ئىككى دۆلەت مۇناسىۋىتىدە تېخىمۇ كۆپ مۇۋەپپەقىيەتلەرنى قولغا كەلتۈرۈشكە تۈرتكە بولۇپ، دۇنيانىڭ تىنچلىقى ۋە تەرەققىياتىنى بىرلىكتە قوغداشنى خالايدۇ.

 

ئالدىنقىسى
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق