باش بەت>>خەۋەر مەركىزى>>مۇھىم خەۋەرلەر
شى جىنپىڭ مېكسىكا زۇڭتۇڭى پېنا بىلەن سۆھبەتلەشتى
مەنبەسى:جۇڭگو ئۇيغۇرچە رادىيو تورى |تەھرىر:ئابدۇللا موللا | يوللانغان ۋاقىت:2014-11-13 16:46:48

 

جۇڭگو ئۇيغۇرچە رادىيو تورى 13-نويابىر بېيجىڭ خەۋىرى:

دۆلەت رەئىسى شى جىنپىڭ 13-نويابىر خەلق سارىيىدا مېكسىكا زۇڭتۇڭى پېنا بىلەن سۆھبەتلەشتى. ئىككى دۆلەت باشلىقلىرى جۇڭگو-مېكسىكا مۇناسىۋىتىنىڭ تەرەققىياتىغا يۆنىلىش بېكىتىش، پىلان تۈزۈش ئۈچۈن، بىر، ئىككى، ئۈچ ھەمكارلىق يېڭى ئەندىزىسىنى ئورنىتىپ، جۇڭگو-مېكسىكا ئومۇميۈزلۈك ئىستراتېگىيەلىك شېرىكلىك مۇناسىۋىتىنىڭ تەرەققىياتىغا تۈرتكە بولۇشنى قارار قىلدى.

شى جىنپىڭ مۇنداق دەپ كۆرسەتتى: جۇڭگو بىلەن مېكسىكا تەرەققىي قىلىۋاتقان چوڭ دۆلەتلەر ھەم مۇھىم يېڭىدىن گۈللىنىۋاتقان بازار دۆلەتلىرى، مەن سىز بىلەن داۋاملىق يېقىندىن ئۇچرىشىپ، ئالىي لايىھەنى ياخشى قىلىپ، ئىككى دۆلەت مۇناسىۋىتىنى ئىستراتېگىيەلىك يۈكسەكلىك ۋە يىراقنى كۆرۈش نۇقتىسىدىن يېتەكلەپ، بىر-بىرىمىزنىڭ يادرولۇق مەنپەئەت مەسىلىلىرىمىزدە داۋاملىق ئۆز ئارا چۈشىنىپ ۋە قوللاپ، ئىشىنىشنى چوڭقۇرلاشتۇرۇشنى خالايمەن. ئىككى تەرەپ ئىككى دۆلەتنىڭ تەرەققىياتنى ئىستراتېگىيەلىك ماسلاشتۇرۇش نۇقتىسىنى چىڭ تۇتۇپ، ئەمەلىي، كارغا كېلىدىغان، قاراتمىلىق ھەرىكەت پىلانى تۈزۈپ، بىر، ئىككى، ئۈچ ھەمكارلىق يېڭى ئەندىزىسى، يەنى پۇل مۇئامىلە ھەمكارلىقىنى ماتور، سودا ۋە مەبلەغ سېلىش ھەمكارلىقىنى ئاساسىي لىنىيە، ئۇل ئەسلىھە، ئېنېرگىيە، يۇقىرى تېخنىكا ھەمكارلىقىنى مۇھىم نۇقتا قىلغان يېڭى ھەمكارلىق يېڭى ئەندىزىسىنى ئورنىتىشى كېرەك.

جۇڭگو تېخىمۇ كۆپ مېكسىكا مەھسۇلاتلىرىنىڭ جۇڭگو بازىرىغا كىرىشىنى قارشى ئالىدۇ، كېلەر يىلى جۇڭگودا ئۆتكۈزۈلىدىغان مېكسىكا ساياھەت يىلى ۋە ئىككىنچى نۆۋەتلىك جۇڭگو مېكسىكا ئۇنىۋېرسىتېت مۇدىرلىرى مۇنبىرىنى ياخشى ئۆتكۈزىدۇ، ئىككى تەرەپ كۆپ تەرەپلىك ماسلىشىشنى كۈچەيتىپ، خەلقئارا تەرتىپنىڭ تېخىمۇ ئادىل مۇۋاپىق نىشانغا مۇۋاپىق تەرەققىي قىلىشىغا تۈرتكە بولۇپ، تەرەققىي قىلىۋاتقان دۆلەتلەرنىڭ ئورتاق مەنپەئەتىنى قوغدىشى كېرەك، جۇڭگو مېكسىكا بىلەن يېقىندىن ماسلىشىپ، كېلەر يىلى بېيجىڭدا ئۆتكۈزۈلىدىغان جۇڭگو لاتىن ئامېرىكىسى مۇنبىرى تۇنجى نۆۋەتلىك مىنىستىر دەرىجىلىكلەر يىغىنىنى ياخشى ئۆتكۈزۈپ، جۇڭگو بىلەن لاتىن ئامېرىكىسىنىڭ ئومۇمىي ھەمكارلىقىنى ئىلگىرى سۈرۈشنى خالايدۇ.

پېنا رەئىس شى جىنپىڭنىڭ ئىككى دۆلەت مۇناسىۋىتىنى تەرەققىي قىلدۇرۇش ھەققىدە ئوتتۇرىغا قويغان مۇھىم تەشەببۇسىنى پۈتۈنلەي قۇۋۋەتلەيدىغانلىقىنى، مېكسىكىنىڭ جۇڭگو بىلەن خەلقئارا ئىشلاردىكى ھەمكارلىقنى كۈچەيتىشنى ، لاتىن ئامېرىكىسى بىلەن جۇڭگو مۇناسىۋىتىنى تەرەققىي قىلدۇرۇشنى داۋاملىق پائال ئىلگىرى سۈرۈشنى خالايدىغانلىقىنى بىلدۈردى.

سۆھبەتتىن كېيىن ئىككى دۆلەت باشلىقلىرى پۇل مۇئامىلە، ئېنېرگىيە، سۈپەت تەكشۈرۈش، مەبلەغ سېلىش، پەن تېخنىكا قاتارلىق ساھەلەردىكى ھەمكارلىق ھۆججەتلىرىگە ئىمزا قويۇشقا شاھىد بولدى، ئىككى دۆلەت باشلىقلىرى بىرگە مۇخبىرلار بىلەن كۆرۈشتى.

 

ھەمبەھىرلەش
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق