باش بەت>>خەۋەر مەركىزى>>مۇھىم خەۋەرلەر
جۇڭگو لاتىن ئامېرىكىسى تۇنجى نۆۋەتلىك مىنىستىر دەرىجىلىكلەر يىغىنى ئېچىلدى
مەنبەسى:جۇڭگو ئۇيغۇرچە رادىيو تورى |تەھرىر:پاتىگۈل مۇھەممەت | يوللانغان ۋاقىت:2015-01-09 09:39:12

 

جۇڭگو ئۇيغۇرچە رادىيو تورى 9-يانۋار بېيجىڭ خەۋىرى:

تۈنۈگۈن جۇڭگو لاتىن ئامېرىكىسى ۋە كارىپ دۆلەتلىرى ئورتاق گەۋدىسى مۇنبىرىنىڭ تۇنجى نۆۋەتلىك مىنىستىر دەرىجىلىكلەر يىغىنى بېيجىڭدا داغدۇغىلىق ئېچىلدى، جۇڭگو بىلەن لاتىن ئامېرىكىسىدىن ئىبارەت دۇنيادىكى ئەڭ مۇھىم تەرەققىي قىلىۋاتقان بۇ ئىككى ئىقتىسادى گەۋدە قول تۇتۇشۇپ ئورتاق تەرەققىياتنىڭ يېڭى دەۋرىگە كىردى.

جۇڭگو لاتىن ئامېرىكىسى مۇنبىرى تۇنجى نۆۋەتلىك مىنىستىر دەرىجىلىكلەر يىغىنى 8-ۋە 9-يانۋار بيېجىڭدا ئۆتكۈزۈلدى، يېڭى سەھنە، يېڭى باشلىنىش نۇقتىسى، يېڭى پۇرسەت ــ جۇڭگو بىلەن لاتىن ئامېرىكىسى دۆلەتلىرىنىڭ ئومۇميۈزلۈك ھەمكارلىق شېرىكلىك مۇناسىۋىتىنى ئورتاق تىرىشىپ ئىلگىرى سۈرۈش ــ يىغىننىڭ ئاساسى تېمىسى قىلىندى.

ئېچىلىش مۇراسىمىدا جۇڭگونىڭ دۆلەت رەئىسى شى جىنپىڭ « جۇڭگو بىلەن لاتىن ئامېرىكىسىنىڭ ئومۇميۈزلۈك ھەمكارلىق شېرىكلىك مۇناسۋىىتىنىڭ يېڭى سەھىپىسىنى ئورتاق ئاچايلى» دېگەن تېمىدا مۇھىم سۆز قىلدى.

لاتىن ئامېرىكىسى ئورتاق گەۋدىسىنىڭ كاندىدات نۆۋەتچى رەئىس دۆلىتى ئېكۋاتورنىڭ زۇڭتۇڭى كورىئاسۆزىدە مۇنداق دەپ كۆرسەتتى: جۇڭگو بىلەن لاتىن ئامېرىكىسى ھەمكارلىقى ئادىل ھەققانىي خەلقئارا تەرتىپ ئورنىتىش، كۆپ تەرەپلىمىلىكنى ئىلگىرى سۈرۈش، يەر شارى خاراكتېرلىك خىرىسقا ئورتاق تاقابىل تۇرۇشتا مۇھىم ئەھمىيەتكە ئىگە.

بۇ قېتىمقى يىغىندا ، جۇڭگو بىلەن لاتىن ئامېرىكىسى ئورتاق گەۋدىسىگە ئەزا دۆلەتلەر ۋە رايون تەشكىلاتى دىپلوماتىيە مىنسىتىرلىرى ياكى ۋەكىللىرى، جۇڭگونىڭ ئالاقىدار تارماقلىرىنىڭ مەسئۇللىرى قاتارلىق 500 دىن ئارتۇق كىشى ئىككى تەرەپلىك ئورتاق ھەمكارلىق ۋە جۇڭگو لاتىن ئامېرىكىسى مۇنبىرى قۇرۇلۇشىنى چۆرىدەپ چوڭقۇر مۇھاكىمە ئېلىپ بارىدۇ ھەمدە « جۇڭگو بىلەن لاتىن ئامېرىكىسىنىڭ تۇنجى نۆۋەتلىك مىنىستىر دەرىجىلىكلەر يىغىنى بېيجىڭ خىتاپنامىسى»،«جۇڭگو بىلەن لاتىن ئامېرىكىسى ۋە كارىب ئەللىرىنىڭ 2015-يىلدىن 2019-يىلىغىچە بولغان ھەمكارلىق پىلانى»،« جۇڭگو لاتىن ئامېرىكىسى مۇنبىرى مېخانىزمى تەسىس قىلىش ۋە ھەرىكەت پىلانى تۈزۈش»دىن ئىبارەت ئۈچ نەتىجە ھۆججىتى ماقۇللىنىدۇ.

جۇڭگو بىلەن لاتىن ئامېركىسى دۆلەتلىرىنىڭ ئومۇمى يەر كۆلىمى دۇنيادىكى قۇرۇقلۇق ئومۇمى كۆلىمىنىڭ بەشتىن بىرىنى ئىگەللەيدۇ، ئومۇمىي نوپۇسى دۇنيا نوپۇسىنىڭ ئۈچتىن بىرىنى ئىگەللەيدۇ، ئىقتىسادى ئومۇمىي مىقدارى دۇنيا ئىقتىسادى ئومۇمىي مىقدارىنىڭ 8دىن بىرىنى ئىگەللەيدۇ.

يېقىنقى يىللاردىن بۇيان، جۇڭگو بىلەن لاتىن ئامېرىكىسى دۆلەتلىرىنىڭ ئالاقىسى تېز تەرەققىي قىلدى، جۇڭگو لاتىن ئامېرىكىسىنىڭ ئىككىنچى چوڭ سودا شېرىكى ۋە ئۈچىنچى چوڭ مەبلەغ سېلىش مەنبىيىىگە ئايلاندى، 2013-يلى جۇڭگونىڭ لاتىن ئامېرىكىسىغا سالغان مەبلىغى 15 مىليارد 160 مىليون ئامېرىكا دوللىرىغا يەتتى.

بىرلەشكەن دۆلەتلەر تەشكىلاتى لاتىن ئامېرىكىسى ئىقتىسادى كومىتېتىنىڭ ھېسابلىشىچە، جۇڭگو ئىقتىسادى بىر پوئىنت ئاشسا لاتىن ئامېرىكىسى ئىقتىسادىنىڭ 0.5 پوئىنت ئېشىشىغا تۈرتكە بولىدىكەن، جۇڭگو لاتىن ئامېرىكىسى دۆلەتلىرى ئىقتىسادىنىڭ ئېشىشىغا تۈرتكە بولىدىغان ماتورغا ئايلانغان.

 

ھەمبەھىرلەش
كېيىنكىسى
مۇناسىۋەتلىك خەۋەرلەر
يەنە قىزىق نۇقتا
يەنە ئاۋات سۈرەتلىك خەۋەرلەر
يەنە تەنتەربىيە
يەنە پەن-تېخنىكا
يەنە غەلىتە ئىشلار
يەنە كوچا پاراڭلىرى
يەنە ساغلاملىق