بۇنىڭ ئىچىدە، ئالىي مائارىپ تەربىيەسى ئالغانلار %24.9 بولۇپ، 2012-يىلىدىكىدىن 10.3 پىرسەنت پوئېنت ئاشتى. مەملىكەت بويىچە ئالىي مەكتەپ مەدەنىيەت سەۋىيەسىگە ئىگە نوپۇس 218 مىليوندىن ئېشىپ، خەلقنىڭ ساپاسى ئۈزلۈكسىز ئۆسۈپ، ئىقتىسادنىڭ يۇقىرى سۈپەتلىك تەرەققىياتىنى كۈچلۈك ئەقلىي تىرەككە ئىگە قىلىپ، مىللەتنىڭ گۈللىنىشىگە كۈچلۈك ھەرىكەتلەندۈرگۈچ كۈچ قوشتى. 

ليۇ چاڭيا يەنىمۇ ئىلگىرىلىگەن ھالدا تونۇشتۇرۇپ مۇنداق دېدى: ئون يىلدىن بۇيان، دۆلىتىمىزنىڭ يۇقىرى قاتلاملىق ئىجادچان ئىختىساسلىقلارنى ئۆز ئالدىغا تەربىيەلەش ئىقتىدارى كۆرۈنەرلىك ئۆستى. 2021-يىلى مەملىكەت بويىچە ئوقۇۋاتقان ئاسپىرانتلار سانى جەمئىي 3 مىليون 332 مىڭغا يېتىپ، 2012 -يىلىدىكىدىن بىر ھەسسىگە يېقىن ئاشتى، بۇنىڭ ئىچىدە، ئوقۇۋاتقان دوكتور ئاسپىرانت 509 مىڭ كىشى، «ئىككىدە ئالدىنقى قاتاردا تۇرۇش» قۇرۇلۇشىدىكى ئالىي مەكتەپلەردە ئوقۇۋاتقان ئاسپىرانت 1 مىليون 954 مىڭ كىشى بولۇپ، پۈتۈن مەملىكەتتىكى ئوقۇۋاتقان ئاسپىرانتلارنىڭ %58.7 ىنى ئىگىلىدى. دىققەتنى دۆلەتنىڭ مۇھىم، زور ئىستراتېگىيەلىك ئېھتىياجىغا مەركەزلەشتۈرۈش ئېھتىياجىغا ئاساسەن، «ئاساسنى كۈچەيتىش پىلانى»غا جەمئىي 18 مىڭدىن ئارتۇق ئادەم قوبۇل قىلىندى، ئاساسىي پەنلەردىكى سەرخىل ئىختىساسلىقلارنى يېتىشتۈرۈش پىلانى جەمئىي 10 مىڭدىن ئارتۇق مۇنەۋۋەر ئوقۇغۇچىنى ئاساسىي پەنگە ئاتلىنىشقا جەلپ قىلدى.