ئىستانسىمىز «قەھرىمان گېئولوگىيە ئەترىتىنىڭ يېڭى سەھىپىسىنى تىرىشىپ ئاچايلى» ماۋزۇلۇق ئوبزور ئېلان قىلدى

ئوبزوردا مۇنداق دېيىلىدۇ: باش شۇجى جاۋاب خېتىدە شەندۇڭ ئۆلكىلىك گېئولوگىيە-كان مەھسۇلاتلىرىنى قىدىرىپ تەكشۈرۈش، ئېچىش ئىدارىسى 6-چوڭ ئەترىتىنىڭ كان مەھسۇلاتلىرىنى قىدىرىپ تەكشۈرۈشتە قولغا كەلتۈرگەن مول نەتىجىلىرىنى تولۇق مۇئەييەنلەشتۈرۈپ، كان مەھسۇلاتلىرى ۋە قىدىرىپ تەكشۈرۈش، ئېچىشنىڭ دۆلەت پىلانى، خەلق تۇرمۇشى ۋە دۆلەتنىڭ خەۋپسىزلىكىدىكى مۇھىم ئەھمىيىتىنى چوڭقۇر شەرھلەپ، دۆلەتنىڭ ئېنېرگىيە بايلىقى بىخەتەرلىكىگە كاپالەتلىك قىلىش توغرىسىدىكى سەمىمىي ئۈمىدىنى ئوتتۇرىغا قويۇپ، يېڭى بىر نۆۋەتلىك كان ئىزدەشتە بۆسۈش ھاسىل قىلىش ئىستراتېگىيەلىك ھەرىكىتىنى چوڭقۇر قانات يايدۇرۇشقا يۆنىلىش كۆرسىتىپ بەردى، بۇ-جەزمەن پۈتۈن مەملىكەتتىكى گېئولوگىيە خىزمەتچىلىرىنى ئۆتكەلگە ھۇجۇم قىلىپ قىيىنچىلىقلارنى يېڭىپ، جاسارەت بىلەن ئالغا ئىلگىرىلەپ، دۆلەت ئۈچۈن چوڭ كان، ياخشى كانلارنى تىرىشىپ تېپىپ، ئىقتىسادىي ۋە ئىجتىمائىي تەرەققىياتقا يېڭى تۆھپە قوشۇشقا ئىلھاملاندۇرىدۇ.

تەرجىمان: ئابدۇللا موللا