(1997–يىل 10–ئاينىڭ 21–كۈنى جۇڭخۇا خەلق جۇمھۇرىيىتى گوۋۇيۈەنىنىڭ 231–نومۇرلۇق پەرمانى بىلەن ئېلان قىلىنغان، 2010–يىل 2–ئاينىڭ 2–كۈنى گوۋۇيۈەننىڭ 100–قېتىملىق دائىمىي يىغىنىدا ئۆزگەرتىلىپ ماقۇللاندى )
1-باب ئومۇمىي پىرىنسىپ

1-ماددا بۇ نىزام «جۇڭخۇا خەلق جۇمھۇرىيىتىنىڭ ئىقتىسادىي تەپتىش قانۇنى» (تۆۋەندە ئىقتىسادىي تەپتىش قانۇنى دېيىلىدۇ) دىكى بەلگىلىمىلەرگە ئاساسەن چىقىرىلدى.

2-ماددا ئىقتىسادىي تەپتىش قانۇنىدا ئېيتىلغان ئىقتىسادىي تەپتىشلىك ئىقتىسادىي تەپتىش ئورگىنىنىڭ ئىقتىسادىي تەپتىش قىلىنغۇچى ئورۇننىڭ بوغالتىرلىق دوكۇمېنتى، بوغالتېرلىق ھېسابات دەپتىرى، كەسپىي مالىيە-بوغالتىرلىق مەلۇماتىنى، شۇنىڭدەك مالىيە كىرىم-چىقىمى، كەسپىي مالىيە كىرىم-چىقىمىغا ئالاقىدار باشقا ماتېرىيال ۋە مۈلۈكنى قانۇن بويىچە مۇستەقىل تەكشۈرۈپ، مالىيە كىرىم-چىقىمى ۋە كەسپىي مالىيە كىرىم-چىقىمىنىڭ چىن، قانۇنلۇق، ئۈنۈملۈك بولغان-بولمىغانلىقىنى نازارەت قىلىش ھەرىكىتىنى كۆرسىتىدۇ.

3-ماددا ئىقتىسادىي تەپتىش قانۇنىدا ئېيتىلغان مالىيە كىرىم-چىقىمى «جۇڭخۇا خەلق جۇمھۇرىيىتىنىڭ خامچوت قانۇنى» ۋە دۆلەتنىڭ باشقا ئالاقىدار بەلگىلىمىسى بويىچە خامچوت باشقۇرۇش دائىرىسىگە كىرگۈزۈلگەن كىرىم – چىقىمنى ۋە تۆۋەندە كۆرسىتىلگەن مالىيە مەبلىغىدىكى خامچوت باشقۇرۇش دائىرىسىگە كىرگۈزۈلمىگەن كىرىم – چىقىمنى كۆرسىتىدۇ: