جۇڭخۇا خەلق جۇمھۇرىيىتى رەئىسىنىڭ پەرمانى

9-نومۇرلۇق

«جۇڭخۇا خەلق جۇمھۇرىيىتىنىڭ يېمەكلىك بىخەتەرلىكى قانۇنى» 2009-يىل 2-ئاينىڭ 28-كۈنى جۇڭخۇا خەلق جۇمھۇرىيىتى 11-نۆۋەتلىك مەملىكەتلىك خەلق قۇرۇلتىيى دائىمىي كومىتېتىنىڭ 7-يىغىنىدا ماقۇللىنىپ ھازىر ئېلان قىلىندى، 2009-يىل 6-ئاينىڭ 1-كۈنىدىن باشلاپ يولغا قويۇلسۇن.

جۇڭخۇا خەلق جۇمھۇرىيىتىنىڭ رەئىسى خۇجىنتاۋ

2009 -يىل 2-ئاينىڭ 28-كۈنى

(2009-يىل 2-ئاينىڭ 28-كۈنى11-نۆۋەتلىك مەملىكەتلىك خەلق قۇرۇلتىيى دائىمىي كومىتېتىنىڭ 7-يىغىنىدا ماقۇللاندى، 2009-يىل 2-ئاينىڭ 28-كۈنى جۇڭخۇا خەلق جۇمھۇرىيىتى رەئىسىنىڭ 9-نومۇرلۇق پەرمانى بىلەن ئېلان قىلىندى)

مۇندەرىجە

　　1-باب　ئومۇمىي پرىنسىپ

　　2-باب　يېمەكلىك بىخەتەرلىكى خەۋپ-خەتىرىنى كۆزىتىش ۋە باھالاش

　　3-باب　يېمەكلىك بىخەتەرلىكى ئۆلچىمى

　　4-باب　يېمەكلىك ئىشلەپچىقىرىشى ۋە تىجارىتى

　　5-باب　يېمەكلىك پرىيومى

　　6-باب يېمەكلىك ئىمپورت-ئېكسپورتى

　　7-باب　يېمەكلىك بىخەتەرلىكى ھادىسىسىنى بىر تەرەپ قىلىش

　　8-باب　نازارەت قىلىپ باشقۇرۇش

　　9-باب قانۇن جاۋابكارلىقى

　　10-باب قوشۇمچە پرىنسىپ

1-باب ئومۇمىي پرىنسىپ

1-ماددا بۇ قانۇن يېمەكلىك بىخەتەرلىكىگە كاپالەتلىك قىلىش، جامائەتنىڭ تەن ساغلاملىقى ۋە ھاياتىنىڭ بىخەتەرلىكىنى كاپالەتلەندۈرۈش مەقسىتىدە چىقىرىلدى.

2-ماددا جۇڭخۇا خەلق جۇمھۇرىيىتى چېگرىسى ئىچىدە تۆۋەندىكى پائالىيەتلەر بىلەن شۇغۇللىنىشتا مۇشۇ قانۇنغا رىئايە قىلىش كېرەك:

　　(1) يېمەكلىك ئىشلەش ۋە پىششىقلاش (تۆۋەندە يېمەكلىك ئىشلەش دېيىلىدۇ)، يېمەكلىك ئوبوروتى ۋە يېمەك-ئىچمەك مۇلازىمىتى قىلىش (تۆۋەندە يېمەكلىك تىجارىتى دېيىلىدۇ)؛

　　(2) يېمەكلىك خۇرۇچى ئىشلەش ۋە تىجارىتى قىلىش؛