زۇڭلى لى كېچياڭ 3-ئاينىڭ 5-كۈنى چۈشتىن بۇرۇن ھۆكۈمەت خىزمىتىدىن دوكلات بەرگەندىن كېيىن، ۋەكىللەر ئۆمەكلىرى ھۆكۈمەت خىزمىتىدىن بېرىلگەن دوكلاتنى مۇزاكىرە قىلىشقا كىرىشىپ كەتتى، 3-ئاينىڭ 6-كۈنى شىنجاڭلىق ۋەكىللەر ئۆزلىرى تۇرۇشلۇق جايدا ھۆكۈمەت خىزمىتىدىن بېرىلگەن دوكلاتنى ئىككى گۇرۇپپىغا بۆلۈنۈپ قىزغىن مۇزاكىرە قىلدى.

ھۆكۈمەت خىزمىتىدىن دوكلاتتا زۇڭلى لى كېچياڭ تەكىتلەپ، مىللەتلەر ئىتتىپاقلىقى-تەرەققىيات تەربىيەسىنى چوڭقۇرلاشتۇرۇپ، مىللەتلەرنىڭ ئىناق ئۆتۈشى، بىر ياقىدىن باش چىقىرىشى، ئىناق راۋاجلىنىشىنى ئىلگىرى سۈرىشىمىز كېرەك، دېگەن ئىدى، ۋەكىل ئەكبەر مەتناسىر بۇ ھەقتىكى تەسىراتىنى بايان قىلدى.

ۋەكىل قۇربان نىياز ئاساسىي قاتلام مائارىپچىسى بولۇش سۈپىتى بىلەن دوكلاتتىكى تېخىمۇ ئادىل، تېخىمۇ سۈپەتلىك مائارىپنى راۋاجلاندۇرۇش، شەھەر-يېزا مەجبۇرىيەت مائارىپىنىڭ بىر گەۋدىلەشكەن تەرەققىياتىنى ئىلگىرى سۈرۈش، يېزا مەكتەپلىرىنىڭ ئوقۇتۇش شارائىتىنى ياخشىلاشنى تېزلىتىش، شەھەر-بازار مەكتەپلىرىدىكى «سىنىپتا ئوقۇغۇچى زىيادە كۆپ بولۇش» مەسىلىسىنى چىڭ تۇتۇپ ھەل قىلىشتا قاتارلىق تېمىلارغا بەكرەك دىققەت قىلدى.

ۋەكىل لى بىڭ دوكلاتتا ئوتتۇرىغا قويۇلغان، ئادەتتىكى سودا-سانائەتكە ئىشلىتىلىدىغان توكنىڭ باھاسىنى يەنە %10 چۈشۈرۈش، تاشيولدىن ھەق ئېلىش تۈزۈمى ئىسلاھاتىنى چوڭقۇرلاشتۇرۇش قاتارلىق تېمىلارغا بەكرەك دىققەت قىلدى.

زىيارەتنىڭ تەپسىلىي مەزمۇنىنى بۇ يەردە ئاڭلىغايسىلەر

 

ۋەكىللەر


ۋەكىللەر ھۆكۈمەت خىزمىتىدىن بېرىلگەن دوكلاتنى مۇزاكىرە قىلماقتا