فىرانسىيە تاراتقۇسى: 6 كىشى فىرانسىيە زۇڭتۇڭى ماكرونغا ھۇجۇم قىلىش سۇيىقەستىدە بولغانلىقى ئۈچۈن قولغا ئېلىندى
مەنبەسى:جۇڭگو ئۇيغۇرچە رادىيو تورى     |تەھرىر:بەختىيار تۇردى|     يوللانغان ۋاقىت: 2018-11-07 19:09

كۆپلىگەن فىرانسىيە تاراتقۇسى مۇشۇ ئاينىڭ 6-كۈنى 6 كىشى فىرانسىيە زۇڭتۇڭى ماكرونغا ھۇجۇم قىلىش سۇيىقەستىدە بولغانلىقى ئۈچۈن قولغا ئېلىندى، دېدى.

فىرانسىيە ئاگېنتلىقى قاتارلىق تاراتقۇلار خەۋىرىدە مۇنداق دېدى: بۇ 6 گۇماندار فىرانسىيەدىكى ئەشەددىي ئوڭ قاناتلار بىلەن مۇناسىۋەتلىك بولۇپ، ئۇلار زۇڭتۇڭ ماكرونغا ھۇجۇم قىلىش سۇيىقەستىدە بولدى، دەپ گۇمان قىلىندى. ئۇلارنى فىرانسىيە ئاخبارات تارماقلىرى قولغا ئالدى. دائىرىلەر ئۇلارنىڭ ئېنىق سالاھىيىتىنى ئېلان قىلمىدى.

ماكرون مۇشۇ ئاينىڭ 4-كۈنى سۆھبەت ئۆتكۈزۈش ئارقىلىق، ئوڭ قانات ئەسەبىيچىلىرىنىڭ پەيدا قىلغان تەھدىتىگە دىققەت قىلىشنى مۇراجىئەت قىلدى. 11-ئاينىڭ 11-كۈنى 1-دۇنيا ئۇرۇشى ئاخىرلاشقانلىقىنىڭ 100 يىللىقىنى خاتىرىلەش كۈنىنىڭ يېقىنلىشىشىغا ئەگىشىپ، فىرانسىيە ساقچىلىرى پارىژ قاتارلىق جايلاردا مۇھاپىزەتنى كۈچەيتتى. ئامېرىكا زۇڭتۇڭى تىرامپ، رۇسىيە زۇڭتۇڭى پۇتىن، گېرمانىيە زۇڭلىسى مېركېل، بىرلەشكەن دۆلەتلەر تەشكىلاتىنىڭ باش كاتىپى گۇتېرىس قاتارلىق سىياسىيونلار مۇشۇ ئاينىڭ 11-كۈنى پارىژدا ئالاقىدار پائالىيەتكە قاتنىشىدۇ.