12-نۆۋەتلىك جۇڭگو ياپونىيە تاراتقۇ ئەربابلىرى سۆزلىشىش يىغىنى شاڭخەيدە ئۆتكۈزۈلدى
مەنبەسى:جۇڭگو ئۇيغۇرچە رادىيو تورى     |تەھرىر:پاتىگۈل مۇھەممەت|     يوللانغان ۋاقىت: 2017-09-13 17:00

 

جۇڭگو ئۇيغۇرچە رادىيو تورى 13-سېنتەبىر بېيجىڭ خەۋىرى:

بۇ يىل جۇڭگو بىلەن ياپونىيەنىڭ دىپلوماتىك مۇناسىۋىتى نورماللاشقانلىقىنىڭ 45 يىللىقى، جۇڭگو گوۋۇيۈەن ئاخبارات ئىشخانىسى بىلەن ياپونىيە جۇڭگو تاراتقۇ ئەربابلىرى سۆزلىشىش يىغىنى ئىجرائىيە كومىتېتى بىرلىكتە ئۆتكۈزگەن 12-نۆۋەتلىك جۇڭگو ياپونىيە تاراتقۇلىرى سۆزلىشىش يىغىنى 11-ۋە 12-سېنتەبىر شاڭخەيدە ئۆتكۈزۈلدى. ئىككى دۆلەتنىڭ تاراتقۇ ۋەكىللىرىدىن تەخمىنەن 40 كىشى يىغىنغا قاتناشتى.

سۆزلىشىش يىغىنىدا جۇڭگو ياپونىيە ئىككى دۆلەت تاراتقۇلىرىنىڭ ئەمەلىي ھەمكارلىقى مەركەز قىلىنىپ، تاراتقۇلارنىڭ ئىككى دۆلەت ياشلىرىنىڭ چۈشىنىشىنى ئىلگىرى سۈرۈش، پەن تېخنىكىدا يېڭىلىق يارىتىش ۋە ئىختىساسلىقلارنى يېتىشتۈرۈش، قېرىلاشقان جەمئىيەت دۇچ كەلگەن پۇرسەت ۋە خىرىس قاتارلىق تېمىلار چۆرىدىلىپ كەڭ مۇھاكىمە ئېلىپ بېرىلدى.

يىغىندا مۇنداق دەپ ھېسابلاندى: ئىككى دۆلەت تاراتقۇلىرى قارشى تەرەپ ۋە ئىككى دۆلەت مۇناسىۋىتىنى ھەقىقىي، ئومۇميۈزلۈك ئوبيېكتىپ، ئادىل تونۇشتۇرۇشى، تارىخقا ھۆرمەت قىلىشى، مەۋقەنى رېئاللىققا قارىتىشى، ئەل قەلبىنى ئىللىتىدىغان ئاكتىپ ئېنېرگىيەنى كۆپرەك تارقىتىشى، ئەمەلىي ھەرىكىتى ئارقىلىق ئىككى دۆلەت خەلقى ئوتتۇرىسىدىكى مېھرى مۇھەببەتنى چوڭقۇرلاشتۇرۇشى كېرەك.